手拖住手既感覺真係好，尤其係當你拖住個你鐘意既人，
              不其然就會有種甜蜜同埋幸福既感覺，
              輕輕咁手挽手，就已經感到互相既濃情蜜意，
              將大家既距離拉得好近.....好近......
 

每當我地手拖住手既時候，
              唔單止感覺到有溫暖，仲有力量，信心。
              好似可以感覺到對方對對方既關心同肯定，
              呢一切美好既感覺，其實都係因為，我地都愛對方。

記得你曾經講過，你好鐘意同我手拖住手，
              尤其係最鐘意我地十指緊扣既感覺，
              因為，你覺得咁樣好有安全感。　
              而我地亦都曾經拖住對方，走過左好多，好多既路，
              經歷左好多，分享左好多。
              但願系呢一世，我地都可以十指緊扣，一齊走埋下半生。\

          兩個人手拖住手　真係可以咩都感受得倒

  包括　可以感受倒　我地既愛情去到邊一到

拖住既時候　感覺甜甜蜜蜜既緊係好啦

但係唔知由幾時開始　

我就發現我同你手拖住手既感覺　已經唔同左ｌａ

雖然　我地仍然係手拖住手　

但係我已經感覺唔倒　以前果種著緊同埋關心

睇住你同我一齊既時候　變得越來越晃忽　越來越冷淡

真係令到我覺得好不安　好難過　

我真係好想問　其實你係咪已經唔再愛我ｌａ

因為響手拖手既時候　

我已經再感受唔倒　以前果種親近既感覺

相反　我地既距離　好似一日比一日咁拉開　變得越黎越遠

到左最後　我地相方心入面都好明白　係時候要放手ｌａ

因為我地之間既愛情　已經發出左死亡既訊號　再見ｌａ

響我失戀既呢一日　我將自己相手緊扣住　放響額前

為呢段失落左既愛情　作出最深切　最深切既哀悼