今日去到俊宏軒　劉邦問我做左功課未　我話未呀　因為我上學校網我地都冇功課點知尋日１０點我呀妹先講有功課

個陣我好眼訓啦　諗住今日做　我地一齊做啦　我都搵左４／５個啦　劉邦話係咪咁快呀　個陣好無奈

翔又唔返　又好似小學咁呀　又係到打機ｇａ啦　返到學校　去左打波啦　同３ａ班一齊打　冇得打既－－

早會啦　都冇乜特別野既　只係學生會搞左個班際羽毛球比賽　返課室啦　晨讀啦　我問左劉邦借左張羽毛球ｄ野比我睇

ｍｉｓｓ過左黎同我講　今日留低　獨誦　依家都要讀多ｄ　就比賽　好驚口震同唔記得

我諗學生會都係複製出黎　我睇到話大會　多數都係ｄ咩咩總會先會咁打既　上第一堂　音樂　教睇５線譜

我唔係太識睇　慕容老師話今日星期二唔使合唱團　唔使練ｗｏ唔使留係到　但係要獨誦　

第二堂　上中文　作文呀　週記　有聖誕節同新年　我覺得新年有野作ｄ囉　但係都係黎黎去去都係逗利是

所以作聖誕　雖然唔係太識作　但係記返之前ｄ聖誕點　就咪寫啦　落堂前要作一張　我落堂個陣　差２行就作完

但係ｍｉｓｓ話放學後比佢睇就得啦　小息　我冇去打波　因為等陣英文要默書　溫左　盡左力都好啦

劉邦佢地打完波　返到黎好火咁　問佢地咩事冇人講　算啦　英文堂默書啦　我默書前好多字都記得ｇａ

默個陣　唔記得晒呀　好慘呀　我諗應該都合格掛　劉邦冇溫過　佢話一定唔合格

第二堂係到英文聆聽　好悶　因為我英文最唔掂　所以我係聽唔明佢講緊ｄ咩　

５分鍾小息　唔使講啦　上２堂電腦　本來係２堂通識既　但係上個星期五調左堂　今曰堂電腦

冇得去電腦室　好悶　好多左扒左係到或者直頭訓著左　我係咁就好眼訓　但係唔想比人集名都冇計

食飯啦　我食左一半飯　本來我食左小小　冇（送）嘛之後個ｄ我自己係到食白飯　真係慘囉

小息　去左打籃球　都好無聊啦　打幾球　都冇人傳波比我　多數ｄ人都係獨食　

上數學堂啦　今堂好靜ｗｏ　所以要休息時間啦　　上視藝　我地出去排隊個陣　１ｂ同１ｃ班就拎晒野　去深水步啦　聽日到我地

上到視藝室　係咁睇圖　話張一張複雜既圖變為簡單　我冇圖　我ｓｄ左比陳ｓｉｒ　ｇａ但係冇

我就問左文禮借左張圖比我　畫完　都唔知畫緊咩　畫完　班主任堂啦　落去啦　講晒野　走得啦　

我要留低獨誦　ｍｉｓｓ教左我ｄ動作　讀完一次走啦　去左打籃球　我開頭係到睇劉邦佢地打波

劉邦同一個高年級一組　對面都係　打完　叫我打埋　點知同個個高年級打　佢條友好串又爆粗ｗｏ

仲要成日叫我地傳波比佢　佢都冇傳過波比我地呀　又要一個獨食　好賤　佢打到我超唔想打ｗｏ

走啦　返到屋企就６點啦　個肚又好空　冇野食啦　好慘