9月2日

訓訓下覺比老婆打來叫醒左 傾左一粒鐘電話又碌左出去... 見到愛人黑衫黑褲黑鞋,條褲仲要勁寬(唔通減肥唔岩著^^),之後就周圍咁行下...見到D情侶戒指戈陣就諗緊,唔知我幾時戴得到呢#^3^#,之後我肚餓得滯就拉左老婆去我地第一次食野戈度進餐,互相對望戈陣真係唔知做乜係咁笑~之後就由塔石行到去高士德再行到天客隆,推住架車仔買零食同洗頭水,好似新婚夫婦咁 ,買完野就返我屋企放低D野,見老婆咁大汗就借左我D衫比佢著,又著得幾好睇播(定係我平時著得難睇@@)!!都唔知點解次次都有人撞門入泥 = =" 呀哥撞完到呀媽....碌到10點幾,我大佬渣車送我地返老婆屋企....

玉:8月真係過得好快...過得特別開心,由相遇而後一直相戀下去,在做,在看任何事情,都在尋找你,每次思念你的時候,內心都變得堅強起來, 當大家歡笑和流淚的時候,都令我明白兩情相悅的喜悅....真係想快點正式叫聲你: 老婆 !

 8月31日,朝早放工食埋早餐就訓左,點知呀蟲(女朋友)1點就打來.... 搞到我醒左3,3"訓都訓唔返...之後做左幾個鐘頭宅男,睇下呀蟲d日記...我唔會比任何人去傷害我女朋友ge!!!!

5點呀蟲教完琴就坐34來了...估唔到我傾住電話都可以換衫 = ="擔心佢唔識落車,所以就早少少碌左落街接佢...

第一次帶佢入我房,到左8點左右,老媽突然返來 = =" 我就當場呆了2秒,再冷靜d行出廳... 老媽問我係咪有朋友上左泥,話見到對鞋,之後叫左我女朋友出廳見見面,老媽見到之後好似好開心咁係咁笑...之後拉返呀蟲入房,同佢一齊ge感覺真係好舒服,唔係夠鐘返工真係唔想旭,落街一齊搭巴士...我落左車之後仲係咁望住部巴士,擔心緊佢ge安全,第一次行鐘就打比佢,聽到佢把聲個人都安樂晒.....

 話說尋日一收工 食完早餐就訓到不醒人士.... 又夢到我GE愛人喇><

1點半呀WING打泥,話ABBY叫我出去PIZZA HUT度食野,2點半就開始碌左出街,點知等車搭錯車情況下,差不多4點才到PIZZA HUT,坐低冇耐就收到呀蟲(愛人)電話(下次咁多粗重野梗係叫我丫麻),傾電話其間完全冇理到D FD同我講乜野 ,真係估唔到4個人食都可以咁平(機乎係原價45%),之後就碌左去學車,... 學完車返到屋企都攰到想死,打比呀蟲煲一陣電話點知傾一陣電話又冇電 = ="   之後就要洗頭沖涼返工...

返到公司就返一千蚊枱,今日個個客都一人一支煙,D煙像火警似的,小西機乎吸入大量二手煙暈低@@"