今日呀媽去左旅行..係睡夢中..佢比左100蚊我
醒左之後發覺已經1點=口=..而且100蚊係到..

以為自己返3點工..點知返到去Amigo問我係咪遲到
OH no!原來我係返2點,,,豬左tim- -
星期6+雨天...特別多人omg...仲要係23號..enjoy卡95折..要禁第2d制= =
成日都唔記得左..好多客都走返轉頭叫我退$..
好唔好意思呀..

但係基本上..今日都過得幾輕鬆..因為一多人架時候..
一係Amigo會幫手一係個姑娘會幫手..
相當之hea..而討厭架客人..今日一個都冇出現到..
反而..有d可愛架婆婆出現...^^lucky..
放左工之後..終於走去配眼鏡啦..黑色的..
真係唔講唔知..我次次放工一定有漏野係staff room..
次次都會走返轉頭去拎...

唔知係咪游水游上癮..今日好想去游水哦..
可惜要等一段時間先可以再去游水...
本身李炳都想去游..但係個個都冇泳衣..咁就冇辦法啦..

返到屋企之後..又睇返waterboys1
其實感覺上比較中意2..不過冇..1都唔錯架..
返埋聽日要考口試啦-﹏- 驚驚地tim...

----------------------------------------------------------------------------
吼!點解係壞男孩!?

我想要放多d假-0-

今日起完身冇食野就返工啦...
依靠幾粒糖黎維持住我架生命..
一路收$好暈..企都企唔穩- -

6點放左工之後...
真係次次都比人捉去訓話..仲要會驚會hurt到我..
驚講野會太直...我覺得..經理們講果d已經有夠婉轉了..
可以再惡d...
Then慧怡打比我叫我去游水
急急腳即刻返屋企汁野...
去到市中見到楊腸同梁中...
之後再會合慧怡同鄭鐵..我同慧怡走去美食廣場到買壽司食..
係市中一路行一路食..惹黎好多好奇架目光..

去到屯池..起初都係有d悶咁浸係水到睇住佢地玩...
後期chiho都黎左tim,,,
之後返去米4池..我終於下定決心學...
浮同踢水都成型啦..
下次要再快把勁...

PS今日第一次good 機,..蠻高興的說..

呼∼
琴晚玩完水之後真係攰呀
今日都訓左好耐先起身..
前提係我4點幾先訓..因為又睇左次像我這樣的女孩
依然覺得個主角好慘呀...

今日起身都係睇Rookies..聽歌..
[為你寫詩]真係唔錯..係個mv比較搞笑..(不是說情節)
 

之後又返工啦...而家發現d人都好飲得下..
日日都黎買成pack...塊面正係得小小紅
啤酒商都賺唔少=3=(汗)
最後要汁返d散貨
可惡...完全唔夠高擺貨...
要叫人幫手- -唉   orz..

未來幾日都收1900..應該有得再去游水xD

琴晚重睇lovely complex..
risa同otani成日嘈交..溝通有一套異於常人架方法..太強啦xD"

本身今日陪candy去9龍搵工架..不過candy話下次先去..
原來我話要配返眼鏡都唔記得左- -
自從整爆左副眼鏡之後..返工有d唔方便..

不過今日都放假..

4點幾返學校打波..我諗我中意打波架原因
係因為打波架時候會不斷發生好多搞笑架事...
lee d搞笑架事都會笑到我地跌低...
同cnady再次上演勇者過關打大佬..但係今日lee個大佬有點虛 哈哈
係有傷...

打完波之後就趕住去市中會慧怡佢地去游水...點知去到市中-0-

先知屯池7點半先開- -中途仲要落雨..雷暴警告都出埋黎
楊腸同梁中都因此話唔黎lu..我地3丁友(我.慧怡..鄭鐵)去左游水
事實上我係去玩水- -不過落完雨之後有點凍...一離開水就好凍...

玩完水之後走左去食野..一路sd sms一路食野..
睇個謎//好無奈呀- -  原來慧怡怕外星人....
走果時..最後我說服到慧怡..佢放心比我一個人由兆康行返屋企..

落完雨..好涼爽呀>v<
我要學游水踏單車  火_火..

我不是熊貓-w-

自從琴日喊左陣之後...咩唔開心壓力都發洩曬出黎

今日心情都變得好d...

返5個鐘頭收銀,..由1700至2200

做到2100果時..突然間好肚餓...

話比自己聽..仲有一個鐘咋..捱埋落去!!!

結果過多10幾分鐘..捱唔到..本來想hold機去買野食..

不過多得另一位收銀員姨姨(!?)請我食餅頂住先...

10點幾果時終於清數放工走人...走去m記買我架晚餐

遲左d哦= =  之後收到個sms..聽日返學校打波~

到現在為止心情依然好悅快~

星期2.3放假..好ya...呵呵