今日喺大陸回來了．．．下午搭車離開私阿姨屋企果陣，我表哥個女哭呀，佢可能知道我地要走喇，ｓｏ咪哭左出黎囉，搞到我都有ｄ想哭，但我今次識忍，哈哈．．．．．．我都好唔捨得架．．．今日６點返到屋企！！！
２２／１２果日開始放假，阿婷仲要返學架，不過佢唔返學，佢同阿媚就跟左我同ｂｏｂｏ返我大陸喇．．．果日返到去都成２點幾３點幾ｌｕ，之後我地咪食左ｄ野先返我阿姨度囉．．．夜晚我地４個人訓同一張床同兩張棉被．．．本來好地地無事既，不過之後搞搞下玩起黎，就係玩爭棉被喇，阿媚同ｂｏｂｏ一隊，而阿婷就同我一隊，最後我地兩個係玩到好熱，而且係爭唔到棉被返黎架，之後就訓著左喇，到朝早我地有棉被蓋，係因為夜晚阿媚俾左棉被我地蓋，幾好，不過最後佢搞到自己無棉被蓋，因為俾我搶曬，哈哈．．．佢講返俾我地聽，我地先知喳，哈哈．．．．．．
２３／１２朝早我另一個表哥打電話黎我阿姨屋企問我地出唔出去，之後個個決定出，ｓｏ呢日我表哥帶左我地４個人到汕尾一日遊，洗左唔少錢架，去左一個叫鳳儀台既地方睇下，玩下，仲影左好多好搞笑既相ｔｉｎ呀．．．請食飯，食飽就搭船去沙灘行．．．到夜晚我表姐個女蕊又請我地打邊爐，一日之內食左好多野囉．．．我仲請佢地洗頭，之後蕊請我地去影貼紙相．．．夜晚就去左蕊屋企訓喇．．．
２４／１２呢日我請舅父等好多人飲茶，我地仲講話７點幾要起身去霸位等佢地黎，點知朝早９點幾先起身囉，超樣衰．．．去到已經走左一張抬既人，仲餘兩張抬喺度食．．．我地總共食左６百零２元，都幾勁呀．．．哈哈．．．．．食飽飽之後，到藍天廣場逛逛同買左ｄ野咁就走喇，之後仲買左個排球，買完就左阿姨度，到黃昏我地４個人一致決定出去，之後去左影貼紙相，影完我阿媽就ｃａｌｌ我地快ｄ返去食飯，食飽飯玩左陣，我阿媽食飽之後話去我阿叔度坐，果晚阿媚仲用棉羊仔載過我地ｔｉｎ，佢既駕駛技術好掂囉，坐得好過隱呀．．．去完我阿叔度，返左黎我阿姨屋企之後，夜晚１０點幾麻煩左我表姐夫返載我地出去藍天廣場．．．夜晚又去左蕊屋企訓．．．
２５／１２呢日１點幾先起身，個個都嚇左嚇咁，之後蕊又請我地食飽飽，跟住話搭車返我阿姨度架，不過之後落左車又去影貼紙相，５點幾返到去俾我阿媽罵，跟住又食飯喇．．．．
２６／１２朝早我阿媽佢地同帶我地去玩果個表哥搭７點４既車黎左香港，而阿媚同阿婷就喺下午２點搭車返左佢地大陸－東莞．．．之後落黎既日子我地兩個都好悶囉．．．
２７／１２無特別野做過，好悶囉．．．．．夜晚去左溪食風，悶左成晚．．．
２８／１２呢日我突然叫我阿嫂教我揸棉羊仔，學左一陣，俾我阿姨見到，話我阿媽講過唔俾我地學喔，跟住ｂｏｂｏ無學，我覺得都ｏｋ識識地啦，更覺得好爽囉！哈哈．．．正呀！！！呢晚亦都有去溪度坐．．．
２９／１２琴晚係最後一晚，清楚知道左一樣野．．．都有去溪果邊黎，不過之後又去左一個更安全既地方坐．．．坐到８點幾就返屋企喇．．．返到去坐喺度一路食瓜子一路睇電視．．．之後就上床訓覺喇．．．．．
３０／１２今朝８點幾我就起左身喇，ｂｏｂｏ仲未起，過左陣先至起身．．．之後過左去我舅母度飲芝麻花生荼，下午炒飯食，食飽之後過返我阿姨度攞行李走人喇．．．表哥個女就哭喇．．．想起佢哭，我而家有ｄ想哭呀．．．
現在就期待新年假期的來臨！哈哈．．． | 
