去長洲太平清醮,超多人...
--前往篇--
坐地鐵去到中環站,一路行到去渡輪碼頭,落樓梯已經見到打哂蛇餅...條隊繞黎繞去,幾難先入到龍尾..=3="排左成廿分鐘,先見到渡輪碼頭,但係,個碼頭全部都係人,根本無位入...又唔知等左幾耐,終於入到去,搭唔到高速船,咁就搭普通船...不過慢好多...攪左好耐,終於上到船(啱啱好有船泊左係度,幸運~)上船係咁睇風景,因為係第一次左新渡輪,所以覺得好新奇...
--到達篇--
坐船坐左大約75分鐘,到喇~坐船坐到個屁股都好鬼痛...=_="長洲果度人山人海,情景超壯觀,最衰冇影低...之後擠入人群睇飄色巡遊...好嘈+好曬...都幾辛苦,不過都可以睇到啲人舞龍舞獅,仲有,啲小朋友打扮丁好得意....~v~....
啲人好攪笑，而且個造型都唔錯....
--買野篇--
成條街都係人,原本諗住行入啲睇飄色,但係睇到既全部都係七彩繽紛既......傘!!!個個舉起把傘,遮住哂,再加上我矮既關係,根本咩都睇唔到...=3=",所以走左去買野,行行下去到惠康...入左去買左啲乾糧...果條海傍道,好多都係賣紀念品,但係又因為太多人+我唔想排隊我關係,所以冇買到,但就入左長洲裡面既市集買野....
--睇包山篇--
到處都封路...不以為然地行左去球場,見到包山呀!!!我咁大個仔第一次見架...突然感到好自豪同埋今次黎長洲唯一一樣令我感到充實既事情~qoo呀~
 
--參觀篇--
週圍都封路...都唔知行左去邊,兜過球場,去到北帝廟,又去到啲橫街窄巷,都係咁多人,攪到成個行程好無癮.......行行下又去到東灣泳灘,見到好多人係果度游水,陽光+海灘+海風...好舒服呀!之後行去小食街,買左三個平安包食,食左係唔係真係平安?....
--臨走篇--
咁鬼多人,攪到旅遊心大減...最後都係決定走...不過!!!我竟然係海傍果條路見到miss ng!!!超驚訝囉....原本我都好懷疑,但我望真啲+我認得佢副眼鏡,真係佢呀...好彩佢唔認得我..佢同佢啲朋友坐係海傍路啲石壆度,有講有笑...不過我好肯定孖寶去既話,佢一定認得....=,=
搭船走,番到屋企足足用左兩個幾鐘,...=3="好攰呀...唔打喇,byebye
--最後比啲相大家睇--
 
|
