今日去左嘉道理農場,係geog club舉行架,...

~~~~~~~~~~~~~~未上車之前~~~~~~~~~~~~~~~

朝早8點搭三就到左學校,因為唔想咁早入學校的關係,所以去左城門谷公園兜左一個轉,轉完之後,係校門撞到甄,希,婷,穎,穎(E班)。入到學校,先知道原來今日係升中一面試同中五,中七會考,希話要面試多一次,=3=".....跟住又見到張sir,佢問我地去邊,我地話去執牛屎....原來張sir今日返黎係去監考.....

~~~~~~~~~~~~~~~~~~坐車~~~~~~~~~~~~~~~~~

都唔知佢揸去邊,坐左我諗有成個鐘....好眼訓喔....一路坐一路訓.....=,="

~~~~~~~~~~~參觀嘉道理農場~~~~~~~~~~~~~~

哎,到啦,都唔知訓左幾耐添喔....去到我仲以為係自由活動,原來唔係,一路行,一路行,首先去到豬舍,但係見唔到豬行出黎,只係見到啲豬係入面...好臭呀....好難忍受....希侉地話啲大肥豬係Marco....好無奈囉...

跟住去到應該叫爬蟲館的地方再+猛禽館....好攪笑呀條變色龍同埋條石龍子,但都唔變色既...兩隻大龜好可愛呀,游游下咁,可愛!!!但係令我好無奈的就係詩竟然會比一條野生壁虎嚇親,話好驚踩扁佢喎,有啲低能...猛禽館隻貓頭鷹都唔知係邊,失望....好彩既係可以睇到啲金鷹...之後甄因為見到個大蜘蛛網而大叫起來...希仲要係撕啲紙巾癡上個蜘蛛網,笑死加無奈...

之後去到猴子樂園,啲猴子好好可愛呀,我仲以為佢地會駁遊人影相而走出黎,點知佢地一見到我地,嚇到雞禁腳咁走.....仲有,我而家先知原猴子個屁股係紅色既...

去溫室,無咩好講....

~~~~~~~~~~~~~~好多蚊呀~~~~~~~~~~~~~~~

癡線,果道鬼咁多蚊,真係好討厭...不過出奇地啲蚊唔咬我,因為有人幫我擋左....佢就係婷啦...佢係爬蟲館已經被蚊咬左二粒,之後又多兩粒....果啲蚊好恐怖,係黑白間架....啲蚊雖然好恐怖,但係佢地唔咬我,而且仲對婷情有獨鍾,一見鍾情呢,哈哈~

不過果道啲蚊實在太多啦,連miss余都要用佢既纖纖玉手去拍蚊.....無奈......

~~~~~~~~~~~~~~薄荷草~~~~~~~~~~~~~~~~~

我去嘉道理農場個小賣部買左盆花,係薄荷草黎架...好香呢....

詩買左棵雀斑草，而希就買左棵紫（芷）苗,仲要狠放學果陣call埋苗去食lunch,話有野送比苗,唔駛問就梗係希棵紫苗啦...哈哈...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唔講啦,byebye!

廿四孝班長,XDXD.....

呢個名銜,梗係我作架啦,不過背後係有段故的...

~~~~~~~~~~~~~~~~~~~~~~~~~~~~~~~~~~~~~~~~~~

話說係24/3果日既P.E.堂,

我地男仔出奇地老師比我地早放lunch兼早換衫,

上到課室,開門,

+其他人攞野走人,只係剩番幾個等女仔既人留係課室等...

等呀等,等左唔知幾耐,終於有女仔上黎,但

果啲係1E架,=3=...

接著陸陸續續有人上黎,

萬歲!終於返齊啦...

不過,我呢邊就嗌"萬歲',但1E果邊就嗌"救命",

因為1E個男班長未等齊人就鎖左門,

整到班女仔無錢食飯,

我突然覺得自已好好人,等埋班女仔先鎖門,

XDXDXD......

最後1E果班女仔唔知嚕....

~~~~~~~~~~~~~~~~~~~~~~~~~~~~~~~~~~~~~~~~~~

又話說今日LUNCH果陣,

唔知點解無啦啦落大雨,

原本我準備鎖門,但又一大班人走番黎攞傘,

咁都算啦,最衰既就係我鎖好門跟住又有幾個叫我開番門攞傘,

真係好無奈...

不過我都無拒絕,

我係咪好好呢...哈哈...

~~~~~~~~~~~~~~~~~~~~~~~~~~~~~~~~~~~~~~~~~~

我而家好似係道賣花讚花香...=3="

--------------------------------------------------------------------------------------------------------

今日癡哂線,,,

唔知做乜,今日小息同午膳roll call玩得特別癲,

詳情都係等我講一下吧:

小息果陣,

唔知點解記番起"係geog堂搞黎搞去"呢句,

就即刻同霖(23)講,仲話佢晚晚throw the baby away...

哈哈,笑死..

但係又比佢話番轉頭...賤人前賤人後....=,="

之後詩又講埋一份,"左搞右搞,賤肉橫生"統統出哂黎.....

小息差唔多完果陣,

婷(隔離班)走過黎擁抱住霖(23),

又整志同互打,

真係名符其實搞黎搞去,哈哈............

~~~~~~~~~~~~~~~~~~~~~~~~~~~~~~~~~~~~~~~~~~

午膳果陣仲激烈,

成個課室變左做戰場...

豫狂燥症又發作,捉住言隻手係咁打佢,

再加上我地幾個人圍攻佢,

搞到佢衣衫不整,好似比人強姦完咁,

哈哈...(幸災樂禍?)

之後又係道互打....吵到拆天...

跟住君同言比我,霖(23),同意話佢地搞黎搞去,左擁右抱....

之後又慘遭佢地既毒手....

比佢地追住黎打......

又整跌玫張椅子,

真係笑死

風紀黎嚕...

係咁講"同學安靜",

越嗌越嘈....

---------------------------------------------------------------------

唔講啦,byebye!