補打番上次講過既月份時間表先...
不過有邊個仲會記得有呢件事?最好借啲二唔駛做呢~~
呵呵~~
[唔講咁多廢話,點解我成日話自己啲野係廢話?我講果啲係肺腑之言,唔係廢話...=="]
開始啦~~~~~~~~~~~
*上學期*
人生踏上中學階段,真係估唔到時間會過得咁快唷~~
九月啱啱開學果陣,
剩係識得懿,志,同臻3個,冇咩朋友的我...
覺得番學好寂寞耶...
到左九月中,
調位之後亦開始授課已經一段時間,
開始識前後隔離果幾個....[不過如果你問起我識到邊個,我剩係記得,言,霖,婷,烿...呢幾個咋...=="]
十月黎啦~
同啲同學都開始玩得好埋...
不過果個英語週攪到我好無奈....
因為係第一次早上玩果啲遊戲紙....簡直都唔知講咩...
好多都係亂做+抄人既...(唔好而家先記我名ar....)
十一月,
學校旅行既大日子終於都黎啦..yeah~~~~
旅行先前一齊去買野,準備去燒烤的用具.....
我好仲記得我果陣好似係同霖(23),意,章魚,志,嵐和兒(15)一組架...
我地咁多人一齊透爐....當然會攪到一獲泡啦....
不過我地既努力都冇白費......
啲野食超好味呀.....好可惜既係我一塊豬排都冇食到.....> <
玩集體遊戲,仲比我買到最後既一杯珍寶橙冰.....
果陣真係好幸福喔,拍下照片,留下美好的回憶~~~~~~~^_^
旅行之後,
要面對中學第一個統測......
個個都好努力呀...
十二月~!~~!~~!~~!~~!~~!~~!~~!~~!~呀~~~
最隆重既運動日黎啦....
我,肥君,言係跳遠項目都衰左呢件事糗爆了,不過仲記憶猶新<(又一個四字詞語,我真係勁~~)
我60米同100米賽跑又輸埋....=="
不過今次既陸運會令我同新同學既友誼又加深左~~...
最緊要既一樣就係牙尖嘴利的霖(23)個仁社輸左比我地信社....
我地個社仲擊敗左連續八年攞冠軍的忠社....攞左第一....好野呀~~~~~~~~~~~~
之後既Chritmas Party,
真係玩得好開心.....!!!!!
小學果陣都冇玩得咁開心....老實講,真係好難忘。
放假喇....努力準備考試的來臨..
一月喇,考試喇...
真係好辛苦唷....尤其是係數學果科...
板板都有一兩條唔識做...好想重考....~~~~
考完之後,就係牛年的來臨~!~!~ ... ^v^
新年快樂喲~
*下學期*
二月,
放完假番黎,第一日就要接受派卷呢個打擊....> <
點知數學呢一科得5字頭....
個心好似俾一萬枝針吉落黎咁....睇到隔離個烿咁高分...
好想摑佢兩把...> <
跟住miss yu竟然比我做班長....
呢個考驗真係大到冇得再大....
辛苦的事冇得再多....> <
我Y!BLOG有講架喇<(又乘機推介下自己個BLOG~...=3=)
2月28號,家長日....!!!!!!!!!!!!!!!!!!!!!!!!!!!!!!!!!!!!!
嚇死人喇...好彩唔係好差...
最好彩既唔係MISS YU會見我呀媽呀爸,如果唔係真係不堪設想<(又一個四字詞語..~~)
三月,
冇咩特別事發生...
不過由果陣時開始,我已經同肥君,言,玫班人玩得好癲...
一路玩+一路大聲笑~
四月頭,
復活節假,係放假之前,
超開心,有時留校果陣玩到癲哂....
復活之後,
調位喇...調左係強隔離+穎同肥君前面....
個死肥君真係好煩耶...=="
又一次的統測..一測完之後即刻問下肥君有冇做錯..
因為佢成日都話自己係啱既...=='''
M. & S. WEEK終於都黎....
有得去嘉道理農場....不過真係攪到人攰到想死...
走黎走去就係位左穩果啲標記...不過我地合作無間,梗係穩得哂啦....
攰耶~
五月喇,
換班長嚕,終於都功成身退喇....
日日去到小息同午膳番黎都玩到好癲...=="
不過都係生活樂趣喔~
5月30號,呢日係成個五月玩得最開心既一日,
因為果日要練習跳舞考試既關係,所以請左啲同學黎我屋企...
個肥君係咁攪我隻龜...> <
我地練完舞就不停玩....果日真係好開心呀....
六月呀....> <
FINAL EXAM黎喇.....令我好驚+提心吊膽.....=="
日日都不停溫書.....
臨考之前果個禮拜,老師係咁比功課.....憎死了....> <
每日不停盡全力+頂硬上.....
每個同學都係咁....大家一齊努力....
心情係唔同啲架......^^
經過一番努力,終於都考完喇.....~~~~~~~
七月份....
因為個H1N1...好多日都冇得番...
先至番得果兩日.....
最後果日番學,攪到我好唔捨得班朋友仔....
1C,我永遠都會記得你....~~~~=]
今次打左咁多,
好似懿咁話,打完都要回報,
總之今次一定要留CM呀......=]]]]]]]]]]]]]]]]]]]]]]]]]]]]]]
如果唔係炸你個BLOG....!!!!(講笑)
|
