好唔舒服呀>口<

個心好似有野塞住

透唔到氣

我係唔係有咩大病?

今日又去左番學

究竟我係唔係放緊暑假?

牙媽番左大陸去接我家姐番黎

唉

以後又有人同我爭電腦啦

暑假作業淨係做左少少

要繼續努力先得啦

番埋聽日就唔洗番啦

可以放一段長假

不過月尾又要再番==

都唔知咩學校黎嘅

成日虐待學生

呢幾排又冇上MSN啦

因為MSN曾經帶俾我好多傷心嘅回憶

我唔想留喺傷心地

不過我偶然都會on下

同d老朋友傾下

喔

好懷念以前嘅日子

p.s.由於牙媽走左     因此冇啖好食     牙媽番黎啦喂~

今日就跟左牙媽去觀塘啦(牙媽要睇跌打)

喺未來

我會遊覽晒香港所有地方

哈哈

因為唔想俾人話係大陸呢

牙媽睇完跌打之後

就例牌行街

跟住就番慈雲山飲茶

原本想食KFC

不過好似好熱氣

所以最後都係揀左飲茶

由於係星期日

所以酒樓好多人

我同牙媽要被迫搭枱

同我地搭枱嘅係一位婆婆同姨姨

唔知點解

我地三唔識七

牙媽都可以同佢地傾得咁埋

真係服左佢地

果位婆婆同姨姨都讚我靚女

我都係一笑置之

唔敢當唔敢當

p.s.又要作第二篇英文閱讀報告啦     努力     加油！！！

我上左中學嘅網站去睇分班名單

彩彩1B

我1C

入唔到1E精英班－口－

我地兩個唔同班T.T

好可憐

無依無靠

最唔抵嘅係一D成績超差嘅同學竟然入到精英班

豈有此理

我覺得十分唔公平

不過我唔會氣餒

因為我始終有朝一日會入到精英班嫁

哈哈哈哈．．．←傻左^^

我交個篇長達300字嘅英文閱讀報告得到好評

巧開心♡

p.s.討厭keroro軍曹            亦討厭鍾意佢嘅人           哼!!!=v=

今日好大風呀

吹到我d頭髮都亂晒

而且又落雨喎

真係搞到我好狼狽

不過

喺咁炎熱嘅天氣下

風          

徐徐吹黎

都係一種享受黎嫁

原本今日約左MiMi一齊寫book report

點知佢竟然放我飛機－－

份book report超難寫

因為要用英文寫

唉

食得鹹魚        

抵得渴

讀英文中學就係咁嫁啦

p.s.我依家先發覺          原來．．．　　　我係唔識煎蛋嫁  T口T  可悲

today牙媽帶我去新蒲崗買野

講真

我從未去過新蒲崗

唉

本人成日足不出戶

實在係孤陋寡聞

不過

藉住今日嘅機會

我要周圍行下

果度有好多個商場

我同牙媽去左一間舖買衫

我買左一件好令嘅衫呀

不過果度嘅老闆娘實在太「熱情」啦

係咁喺我牙媽面前sell衫

我連續試左n次衫

但係最終我都係「婉轉」咁拒絕左老闆娘嘅推銷

唉

依家生意難做

之後

我喺一間餐廳度食左一碗鮮蝦雲吞撈麵

好好味呀

^__<

p.s.被人話係「大陸呢」=口=