話說今日小息果陣,,呀誠話軒哥哥有野送比我...

我以為只係講笑...所以我就話...''做咩呀?送鴨屎呀?''

過左一陣之後軒哥哥叫我比隻手佢...

我本來以為冇乜野...可能佢想摸下呱...

點知...佢就我係無名指上帶左隻用20蚊紙摺既戒指...

我不斷笑= =''因為唔知可以比咩反應佢好...

真係開心.好感動.好驚喜...

雖然呢隻唔算係咩值錢既戒指...

但心意...對於我黎講已經係比值錢更有價值...

禮物...真係講心唔講金...

雖然係好簡單...但真係夠哂驚喜...

最頂癮既係...帶係無名指度...

明明個意思係''訂婚/結婚''...莫非你真係有呢個意思?

不過我當時真係心諗...點解要帶係無名指度?你想娶我嗎><?

哈...真係好白痴囉呢個諗法...

 

到夜晚...因為媽媽同細佬去家長晚會既關係...

我就襯呢個機會出去喇:) 同軒哥哥去撐枱腳...

諗住去apm食,,起碼都算有D浪漫feel嘛,,但點知太多人..

S0就去茶餐廳食...毫無情趣...不過傾左好多野~~

傾左企鵝D野啦,,好成功咁轉移左話題...

我說...''聽講你中四果時鐘意黎明悅喎..''

他說...''你都識得話中四啦.而家中五喎...''

我說...''咁又係..其實點解咁多人鐘意佢姐,,真係因為可愛?''

他說...''嗯''

我說...''係我地女仔角度黎講..真係唔多覺佢可愛囉...''

我再說...''喂..咁我都唔可愛啦...點解你要鐘意我?''

他說...''我又唔靚仔又冇錢...咁點解你又要鐘意我先?''

我說...''下?乜你冇錢錢?''

他說...''我係指呢排冇錢姐...''

我說...''哦...um...嗯...其實我都唔知點解...''

他說...''咁咪係囉...''

很可愛的一段對話...

愛一個人...真的是沒有理由的...

所以...謝謝你喜歡我:)

食完之後...諗住照原定計劃去海濱...

因為夜晚的海濱...燈光環境都很美...

係呢個環境試下Kiss...一定會好有Feel的...

可惜...落雨...去唔到....真係激死我...

初吻計劃沒了/__\''唉....

之後去左apm機舖打機...好無聊/__\

太鼓成日高分過我...激死...

打完機之後突然諗返起一個問題...

食飯果時佢問過收到戒子果時有咩感覺...

我當時冇答...因為我唔識答...

但係呢一刻...我終於答到幾個字...

開心.感動.驚喜...

之後我問佢...''點解要帶係無名指?有D意思架喎?''

佢冇答我...但就同我玩左一個遊戲...

http://www.wretch.cc/blog/angelurbaby/892195

佢見到我既無名指分唔開...佢係咁笑...

我就話''姐係點?姐係代表我走唔甩啦?比你捉實左啦?''

他說...''我冇咁講過...冇呢個意思''

吾...我還真希望...我們可以一生一世的....

雖然我知係好難.冇乜希望.但我真係好想做到...

佢既木頭性格...真係好獨特...令我唔捨得離開佢...

到九點,,就搭車返歸...他說送我返屋企...那好吧...

返到將軍澳...落雨...不過未算好大...所以都仲行到既...

之後由巴士站行返出黎既時候...雨開始愈落愈大...

我唔比佢送.因為唔想佢送完我返屋企之後自己又要再淋雨...

佢本身就堅持要送...但最後都比我勸掂左...

我寧願自己淋雨...都好過兩個人一齊淋啦...何況佢仲要返工-_-''

雖然佢同我講過想淋雨.想淋病自己.咁就可以唔洗返工..

但我都知道佢只係講下笑姐...

在一個人歸家途中.不斷打雷...

而且仲要勁大聲...真係搞到我好怕怕...

多麼希望你可以在我身邊呢...可惜~~

返到尚德就開始落好大既狗屎.呢一刻我感到好欣慰...

因為我係度諗...好彩叫左佢走先...如果唔係就要自己一個淋狗屎...好慘的....悲

這一晚...就在雷雨下結束...

雖然唔浪漫.冇Kiss.但傾左好多野.好開心...

而佢為左陪我...槍會都冇去...真係S0 Sorry><''

有了你.雖然悲傷總比快樂多...

但同你一齊.起碼嘗試到幸福既味道...

試過第一次收花

第一次可以送到情人節朱古力比人...

而今日...就第一次收戒指..

雖然唔係真正既戒指.但我真係感到好滿足...

無名指上的戒指.是一生一世的承諾...

我們能做到嗎?