今日懷著唔開心既心情返學校幫手...
D心事全部都同你地講哂...
王子,玉惠,嘉慧,企鵝...
講講下我又再一次喊...
我真係覺得自己好失敗...
到後尾又同偉哥傾...
偉哥真係開解左我好多...講D野亦都好有道理...
同完偉哥傾之後其實我心情真係都冇之前咁唔開心...
返到屋企,,見到佢msn個人訊息度打左句...
''愛情....同友情.....有時真係好難共存.......''
我心情又再一次跌入谷低...真係好想分手...
因為我真係唔想令佢唔開心.令佢難做...
後尾我又同D fd講...佢地都鬧醒左我...
或許我太唔理智...太衝動了...
後尾冷靜諗諗...打左一篇野出黎比佢...
內容如下..
今日同黎Sir傾左好多...佢開解左我好多野...
我從來都唔係一個善於同人講野既人...
呀Sir叫我對你應該坦白一D...
所以我決定...我應該要將我心裏面既諗法講哂出黎,,
知道左你果兩個fd同你反左面之後,,其實我真係好唔開心...
碌ling果日kelly係你地既導火線...
所以我就覺得,,如果唔係我同你一齊左...
kelly跟本就冇機會屌佢地...
就算你比佢地cap住左...亦都唔會關我地事..
就係因為有我既存在.導火線先會產生...
所以我真係好自責...好唔開心...
我會覺得好想離開你,因為係我累左你,係我令你冇左兩個fd..
見到你MSN咁打...我真係唔知可以講咩..
朋友係可以陪伴你一生一世,,
但呢段友誼係好需要雙方去遷就大家..咁先維持到..
而愛情...真係好難話會可以相愛到老..
呢樣野係要靠雙方都有堅定不移既心...先可以有好結果...
其實兩方面要Keep住真係好難...好難可以平衡到...
所以其實,,如果你想可以平衡到的話,,
我不介意你放棄愛情...因為見到你咁難做...我都好難受..
我建議你放棄愛情...唔係因為我唔想同你一齊...
而係我覺得..作為愛你既人..應該要令你開心..
見到你咁...我只能說...唯有我自己讓一讓步...
其實同你一齊我真係好開心...因為好難得搵到個人鐘意我,,
好坦白講..我係係11月尾到你有少少好感..
所以去中文大學..陸運會果陣真係同你玩得好開心..
開頭我以為好感姐,,冇乜野...
但因為同你十指緊扣之後,,就鐘意左你..
我冇諗過有機會同你一齊..
所以其實我而家覺得.能夠同你一齊就已經好滿足..
情人節果日..我真係冇諗過你會送咁貴既花比我...
收到之後...我真係好感動...我知你好重視我的..
你係我既初戀...所以我真係好在乎你...
我唔想你唔開心...我亦都唔想你冇左兩個fd...
我真係唔知可以點...
如果你選擇放棄愛情..那就放棄吧...
如果你唔放棄愛情既話..就請你陪我到最後...可以嗎?
我真係好愛你...所以先唔想見到你唔開心..
我冇放棄你既意思,,只係我覺得愛情呢段路真係好難行..
要靠兩個人去互相扶持先得...你願意嗎?
所以.無論你做咩決定都好..我都會支持你的..
Sorry,向你打左咁多野..我坦白左了.之後就等你坦白了..
好長,,我真係未試過為一個人打咁多野..
Send左比幾個人睇..個個都話感動...
乜真係咁感動咩?我打出黎都唔覺感動= =''...
末等到佢答覆...我就被迫要去訓覺了...
唯有聽朝早D起身睇啦..
