今日係我同呂布既第7日..

o係我既世界入面已經得返我同佢..

其他野我放左o係第2位..

今日呂布同我講佢o個team人屈左佢做隊長..

我有d"不爽"..因為..佢一做左隊長..佢team人既大小事務都關佢事..

而且以我識左佢咁耐..我知佢一定會訓晒身..

佢未做隊長之前陪我既時間對我黎講..我覺得已經好小好小..

e+仲做埋隊長..我覺得..灰..

我今日放學搭車既時候..我o係度諗..

第日我出左黎做野..見佢既時間一定比e+小

之後我仲諗..我又呷醋咧..

我自己知道如果我真係呷醋我可以小小野就呷一大餐..

有時我會連佢daddy(出面o個個..)..都會有小小呷佢醋(暗中..)..

咁樣既話我會好唔開心..

琴晚同佢講電話..其中講到話佢會o係同我一齊既時間入面每日都摺一個心..

個心上面會寫住o個日既日期..(呢個係我提議既..)..

佢仲話會放o係我度..咁樣換句話講..即係我每日都可以見到佢..

萃盈同我講..佢話我呷醋呂布會視為幸福..

可能..我每日都可以見佢一次..就係我既幸福咧..

今日係"520"我愛你日..我真係好想就今日將我同佢鎖住..點分都分唔開..

一陣仲要見呂布..我e+死去訓陣先..

幾經波折..我同呂布終於一齊左..

今日係我同呂布一齊既第6日..我好好好開心..

哈哈..可能係因為我自己比較單純..

不過好坦白講..我同佢初初同佢一齊既時候..我自己都唔係好肯定我仲係咪鍾意佢..

但係..同佢一齊既呢幾日..我自己發覺得自己成日陰陰嘴咁笑..

同佢一齊好開心..

因為billy事件..我好明確咁肯定左兩樣野..

一..呂布佢真係好鍾意我

二..我自己好鍾意呂布

不過..我自己有d擔心..

我擔心..e+就好好地姐..如果佢有一日唔要我..

咁我點算..

因為我知道..我唔會想同佢分開..

我好驚會有呢一日..

所以..我呢兩日成日諗..我要點先可以維持我同佢之間既關係..

我要做d咩野..我要點令佢笑..

我唔介意去做d冇face既野..

例..如扮下傻仔..

我諗左好多野想同佢去做..

例如..睇戲..行街..食飯..

不過其實..只要我見到佢..我就開心..

對我黎講只係想見到佢..同佢做d咩都冇所謂..

可能係一人一支野飲..坐o係樓下傾下計..

我已經好開心..

我唔會奢求呂布係一個稱職既女朋友..

我只係要佢愛鍾意我就可以..

我就係咁簡單..

我諗咁多野去改自己..其實係因為我覺得自己仲未係一個稱職既男朋友..

我自己18歲咧今年..我想我可以同呂布一齊10年..20年..甚至永遠..

但係我唔敢o係佢面前講..因為..我驚佢會笑我-.-"..

琴日同左呂布同圭萃盈講左通宵電話..

成個過程入面..我最開心既..係呂布講左一句.."肥勤係我想要既男朋友"