<<11之後,K仔強勢回歸>>

過左11日,有大大小小的事發生,但我都係唔記得寫BLOG,而家只會打D我記得嘅......

章一:攞獎與比賽之間

5月25日,星期日,我同時參加左兩個比賽,一個係機械人比賽,而另一個係國術比賽.當然,我想參加機械人比賽多D,因為可以同同學參加小學最後一次的機械人比賽,雖然國術比賽係上午舉行,機械人比賽就相反,但係國術比賽係由上午9點,比賽到......下午4點.當國術比賽的上半場完左,我就知道自己下半場的比賽.....當我打完之後,我知道自己有獎攞,梗係好啦,但係我想番機械人比賽我又無得參加,心入面超勁爆矛盾......

章二:司儀之訓練

老師係N月之前話想我去做司儀(當然係候選啦),我就答應左.

大約係5月26日(其實之前都有),我同另外幾位候選司儀一齊練習份台詞,練完之後,老師話要選一個人去做司儀,其實我地求過老師比我地4個候選司儀一齊做,但係老師最後選左另一個男司儀,我非常唔順,但係過左幾日,我同同學講番呢件事,佢同我講話"算啦,你都做過司儀但我一次都無做過啦"我再諗深一層,又係嘅,話哂都做過2,3次啦!

最終回:匯演之夜

學校匯演當日,我雖然唔係司儀(參考章二),我都有份表演唱歌,咩話,流行曲,邊有可能呀,話明【學校匯演】,又黠會唱流行曲丫,係唱聖詠.我地成班聖詠團係學校出發去高山劇場,我去到之後,有得睇綵排,發生左一樣笑料,老師同家長你個節目要上台唱歌,我地一路等佢播音樂,突然播出一首'叉燒包',但全人笑哂,都唔係因為呢個原因,係因為d家長老師係度dancing,超好笑.

表演開始啦,我地(聖詠團)只係睇左兩個表演,就要到後台準備,結果,我地比人老點,搞到我地等左半個鐘先出場,又無得睇節目我地表演完左之後,我地番後台等放學,咩話,仲係8點50分,我地9點半先放......呢個都唔係最大問題,因為我有歌聽.但係,我地有個同學傻左咁(就係你啦)一路大叫,一路係度""妙極Mega Dance"",個個人都差之比佢震穿耳膜......

最後為大家獻上一首詩:

返到屋企喘哂氣,

累到根本無得比,

食完"一丁"撻落床,

聽朝訓到唔想起.

-----------------------------------------------------------完-------------------------------------------------------------------

系統公告,增設多個計時器

____________________________________計時器________________________________________

-謝師宴倒數計時器:37日

-畢業典禮倒數計時器:35日

 今週大事回顧:

最開心嘅一日:星期四,留校整機械人,完成'摩打',好有滿足感

最失望嘅一日:星期五,夜晚,我個'老死'阿龜打電話比我話阿sir聽日要帶隊出外,無得返學校整機械人,即刻

最無聊嘅一日:星期六,夜晚無電視睇,又無機打,超無奈......我咁樣望住個電視,又訓唔著,超無聊

最疲倦嘅一日:星期日,我朝早8點幾就要去九龍公園練習武術,練下練下練到12點幾.1點幾番到屋企,我即刻用超音......

(閱讀全文)

 尋日,為左慶祝母親節,我同我外婆成家人下午去左酒樓飲茶,我地有好多個人一齊去,有1,2,3,4......12人超多人.我地食左一個都好大下的大餐之後,仲食左1,2,3,4......12籠點心,點知都係食唔哂,仲要打包.唉~好彩我細粒,如果唔係實會食到爆血管,我自己都即刻重左1,2磅.....

今日,去左踩單車,我揀車個陣好無奈,有一架單車明明好好坐,位又正,超好......點知我媽又話咩架車太......

(閱讀全文)

 今日我照常係下年12點半上紅十字會的堂,但係教我地的導師又唔知咩事無黎,搞到要同d新會員一齊上步操堂.....

雖然d野係學過,但係都唔係好記得,當係溫下都唔錯,但係要我企左成粒鐘,【疲倦】到我媽都唔忍得我......

唔得,真係好【疲倦】,我唔打啦,食完飯訓啦,8

 今日係第一日寫blog,但你今日都無咩特別野發生......

係學校,做左d義務幫d【唔知咩幼稚園】的bb仔學生用電腦,雖然好無聊,但係可以上少一堂常識堂,又確係唔錯嘅哈哈