═≡＊└＊+°●茵世界.‧.＊ °.かわいいね日記本

2007 年 5 月 30 日星期三

今日去左開會~

今日去左開會,,唉!下個月個target鬼死咁太,,真係追死我la~之後還鐘冇返公司~不過今日都冇出過街,,只係o係屋企編假,,休息下~

依家日日都睇<溏心風暴>,,真係好好睇,,而且裹面有d情節仲好感動~有d說話我都好認同,其實人如果記性唔好都真係一件好事黎ga,,咁就可以忘記灑所有唔開心既事,,不過如果比我有得選擇我就會寧願連d開心既事都可以忘記,,咩野記憶都冇,,咁就冇多餘野可以諗,,仲點會唔開心ar>.@但可惜我記性都好好~

其實依家返工都好累,,一個人揹住好大個數,,精神壓力好大,,而且經常好早起身,,身同心都同樣好累,,雖然依家人工比起我d朋友算好好多,,但我真係一d都唔開心~返工既日子就好想快d放工,,好想快d放假,,點解人升店長我升店長,,其實我知道唔係個個都好似我咁好彩咁快就可以做到哩個位,,我係應該好好珍惜同開心先係ga,,但點解自己好似小小開心既感覺都冇既~或者當初因為一個承諾我好想做到,,但當所有野變灑既時候,,哩個承諾已經變得毫無價值lu~我依家既心態又好似變返之前一樣咁,,好唔想返工,,好唔想返去面對住咁沈重既壓力,,但冇辦法la~為左錢我一定要撐落去,,我要快點儲多d錢,,可以快d離開哩個曾經帶比我咁多唔開心回憶既地方~

諗返起差唔多5年la,,原來我已經5年冇真真正正咁去拍過拖la~我連拍拖既感覺係點樣都真係唔記得la,,兩個人拍拖係咪真係會好甜蜜既呢?但我都感覺到我有幾個好朋友同男朋友一起得好開心好甜蜜既^^但我咁大個女都好似真係冇試過哩種感覺,,唔知我既一生仲要等多幾多個5年先可以搵到個對我好既人而又唔會離開我既呢??

我諗我寫左日記咁耐哩篇都算係最長最多字既一篇lu^.<寫住咁多先,,好累要訓覺lu~

刊登時間︰2007-05-30 01:18 AM [ 訪客留言(0) ] [ 編輯日誌 ] [ 分享至FACEBOOK ]