呵呵,終於到左去書展既日子啦,好興奮呀..!
中午,去左表妹屋企睇碟,
因為仲要等細表妹返黎先去書展!
一路上...我地好吱吱喳喳講不停,
仲好意外咁見到我以前既補習老師,
講左比佢知我原校升到中四,
佢都好開心呀!

我去到書展,用左六百幾蚊,
仲問左表妹們借錢=3=,
因為我第一次去,
估唔到d書比平時平左十幾蚊,
買買下...就買左十三本書啦,
哈利波特頭三集,屋企已經有左4-6集,
愛情小說八本,整cake書兩本,
唉...拎返屋企果下先係野,
我自己由灣仔拎到返青衣,
d書每本都成百幾頁嫁,
返到屋企我已經連書都拎唔起,
手一d力都冇!
最好彩係岩岩睇得到火影呀!!

今日電腦終於開唔到啦,
所以就同左人出街,
仲要睇買咩生日cake比我二姨媽,
同細佬去左信和睇野,
呵呵...!買左二十幾張相.,
亮亮的露點太性感了..(嘖血!)
又買左八月的wink up同duet,
仲有兩隻碟..!!咁就用左一大筆!

夜晚,出左去三聯買書,
要買十二本咋,其他d書學校老師買,
不過我果十二本差一本買唔到呀,
今次去荃灣買的,比起葵芳更加買到書!

岩岩無無聊聊冇野好做,
係d盒到拾左好多野唔要,
拎返小學本紀念冊,
大家寫下的說話,
現在已經不同了,
看到"李進"的一頁,
我呆了好幾秒,
這麼久了...我還記得與他的日子,
初戀特別美好,也最難忘記的!