《十分愛》新聞一則
正牌拍拖 Stephy方力申演技大挑戰
繼去年的《獨家試愛》後，
鄧麗欣（Stephy）與方力申再次攞正牌談情說愛，
於下周四（19日）上映的新片《十分愛》中
飾演過氣情侶，
雖然劇情無上次咁煙韌、又攬又錫，
但二人拍攝一場街頭重遇戲時，
過份投入的Stephy竟喊到唔收聲。
據知，Stephy在新片《十分愛》中的角色
是導演葉念琛為她度身訂造，
由於導演要她演活一個有很多戀愛經歷的女孩，
故對Stephy的演技有很大挑戰。
當日拍攝的劇情講述飾演「媾仔王」的Stephy，
在街頭重遇舊情人方力申後，竟一時感觸落淚。
但由於Stephy拍攝時過份投入而喊到收唔到聲，
令身旁的小方不禁更憐香惜玉，
主動地為她抹眼淚，場面十分感人。
頻NG導演都唔收貨
事後，Stephy接受本報訪問時表示當日只是太過投入，
她說﹕「原本導演要我流滴眼淚就得，
但因為之前一個人匿埋係車度培養情緒，
令情緒Down啲，點知埋位拍攝時，因為條街實在太嘈，
結果拍左5次，導演都唔收貨，要第二日再補拍，
可能因為咁，最後一Take過搞掂。」
繼去年《獨家試愛》後，Stephy跟方力申再一次「撻著」，
惟今次他們演一對過氣情人，兩人的衣着造型亦較《獨》片成熟。
導演講好Stephy只需要流滴眼淚，
但Stephy竟喊到收唔到聲，
小方溫柔地為她抹眼淚，場面感人。
在《十分愛》中，方力申一改《獨家試愛》裏
比較孩子氣的味道，
而演一位成熟穩重的男性。
哈哈
Stephy 真係感情豐富呀
| 