今日阿爸阿媽放假
因為要陪我細佬番學睇分班既野
跟住我阿妹又跟埋去
間房得番我一個
係E個咁靜既環境底下
我當然要把握時間訓覺o(≧v≦)o
佢地走果陣應該係8:00左右啦
跟住訓訓訓訓
訓到11:00左右聽到佢地鬼晒咁嘈
明顯地係番左尼
果陣我都廢鬼事理佢地
醒左都要攤係張床度
到左唔知幾時
聽到有人禁鐘
我都冇理到
到到我阿妹好大聲咁講:好咪,係唔係整媒氣呀!!!
我即刻彈起身
沖入廁所係咁意梳下個頭洗下個面就走出廳到扮起左身好耐
因為唔可以俾外人知道我係咁懶既(￣▽￣)~*
跟住晏晝跟左阿爸阿媽出去買書
同埋揀書做報告
我揀左本"超煩學生"做報告
另外揀多本自己睇<<共生>>
作者係有我一半咁聰明既林詠琛
好鍾意睇佢D書
恨不得買晒佢D書番尼
好可惜地我家中太富有╮(╯▽╰)╭
買晒佢D書都冇用
所以唔可以買
不過D教科書都未買齊
都唔知幾時先齊
買完書之後先幾得今日23號
我阿妹生日
跟住我就揀左本佢最愛既米奇故仔書同埋一支筆俾佢
番到屋企等齊人就去飲茶
又係同我姑媽佢地去
我姑媽同埋表姐去唔緊要
最慘係我表弟都去埋
成日係到煩住晒我
睇書又係咁同我講野
睇電視又係咁拎佢D相俾我睇
行步路都跟住晒
阻鬼住晒
係咁嘈嘈嘈
講野又大聲
又懶幽默咁
係外國番尼講野又唔正
仲要懶係型咁成日戴住頂帽
真係頂佢唔順(╬￣皿￣)
好采佢下個禮拜就番番去
唔係我一定死俾佢睇
最後同阿妹講句生日快樂
愈大愈靚(不過點都靚唔過我￣ˇ￣)
同埋唔該你斯文番少少
似番個女仔
------完------
| 
