(補寫)

唉

無奈

今次e個日記打左成2次

e次第3次

仲要篇篇都咁鬼長

跟住阿媽又好好采地

2次都係我岩岩禁sd果陣蚊左我條線

都唔知可以講咩喇我

冇野好講

你話喇

2篇野都打左成半個鐘

半個鐘既時間

就俾我阿媽一個動作浪費晒

好講番正題

今日非常之不幸

本身ls堂劏牛眼仲好地地

跟住食lunch果陣我仲好光榮咁食晒盒飯

但係點知不幸既事係放lunch果陣發生

話說

食完飯

鈞鈞話玩啤牌

因為我唔曉玩既關係

坐左係一邊同傻佬講電話

跟住鈞鈞玩玩下話要計分

叫我幫佢地計分啦

畸知過左一陣

有個prefect走入尼

我第1時間淨係識收電話

完全唔記得佢地玩緊啤牌

跟住個prefect俾左張黃紙我

話我講電話

咁我係講電話無可否認ga喇

咁咪寫囉

跟知又走多2個prefect入尼

話講電話唔駛記黃紙

果一刻我覺得佢地好好

點知原來更加不幸既事係係後面

我以為佢地係我既救星

點知佢地原來係入尼指證翁鈞佢地玩牌

頂佢

我以為逃過一劫

原來更大既劫而家先開始

跟住唔知點解又無啦啦走多個prefect入尼

4個仆街prefect夾攻審我地

跟住仲叫埋何x邦上尼

其實4舊粉腸審我地果陣我係想認ga

因為我feel到如果唔認好大單野

但係見鈞鈞佢地撐到咁恆

冇理由唔十卜佢地ga咩

點知何x邦又叫埋d訓導上尼

3個miss,1個阿sir

係咪真係咁大件事要叫埋咁q多人上尼先

最仆街就係果2條8婆prefect

我寧願俾佢記張黃紙算喇咁

4個訓導審左我地成堂幾

都唔知點解佢地可以咁好耐性

又唔知點解我地5個可以呁掂

好似巧婷咁話係冇夾過既情況下撐左成個幾鐘

好多我地班既人都話過俾我聽

話如果我地撐落去

d訓導又搵唔到d牌

加埋我地班冇25仔

今次一定過到骨

但係點知就係差一樣

就係差左我地班真係有反骨仔

訓導俾左2次紙佢地

第1次叫佢地寫見到d咩

隔左好耐

第2次叫佢地有邊個有份玩

就係係第2次

唔知邊2條9喱驚

寫左我地個名上去

所以冇得我地唔認

如果唔係...

最後放學跟左張國健落去

叫我地寫紅紙

又同我地訓話左好耐

但係鑒鑒到果陣仲撐緊

我覺得佢好勁

我知佢繼續撐係想幫我地4個出番啖氣

佢好好呀

之前俾prefect審果陣

佢走左去

我仲以為佢咁冇義氣

之後先知原來佢係去左收埋d牌

跟住仲要走番番課室俾人捉

好英呀

跟住因為冇心情所以走左去同巧婷鈞鈞走左去剪頭髮

跟住剪果陣巧婷話學校打過俾佢媽咪

仲話要記小過

果陣我真係驚

由俾人捉果下我係一d都唔燕ga

但係由張國健話唔知有咩懲罰果陣就驚喇

再加埋巧婷話記小過就仲驚

番到去即刻同阿媽講啦

好采我一番到去就講

如果唔係又多多條罪名:隱瞞事實...

因為學校都打過俾我阿媽

我同我媽咪話:

"其實我覺得好唔抵ga

我由頭到尾掂都冇掂過d牌

幫手計下數咋ma

況且其他人都係玩card game咋ma"

我以佢會好似巧婷個阿媽咁善解人意

見到我咁唔開心

見到我咁唔抵

會安慰下我

但係點知佢係一句安慰既說話都冇同我講到

佢仲要講左d野搞到我仲唔開心

佢話:

"你而家講咩都得ga啦

係呀

你係冇掂過

咁又點呀

冇掂過就唔駛罰牙

你咁樣都叫有參與ga喇

拿

舉個例

好似非法聚賭咁

差人拉都會拉埋周圍有份睇果d人ga

你仲要幫手計分tim

姐係明知都仲要叉隻腳落去

人地叫你幫手計分你又去計

叫你去街你又英文都唔去補走去同人去剪頭髮

拿

講明先呀

學校同我講話要記小過

記過記成世ga

落落去成績表ga

第日有咩事要俾張成績表出寺俾人睇就丟晒假啦

你成績好有得用

人地一見你有個小過就死得啦

係好唔抵ga喇"

跟住我阿爸仲要加把咀:

"我都唔知你點算

我覺得你e排心散左好多

你自己好好反醒下啦"

佢地大約係咁講啦

已經省略左好多

ed只不過係重點

唉

已經心情唔好ga啦

又驚喎

仲要死都扮晒冇野咁同佢地講

佢地仲要咁踩我

都唔知我果陣咩心情

都唔曉安慰我

唔識好似巧婷個媽咪咁講下笑令到我冇咁唔開心

成日淨係識話我有野唔同佢地講

講左咪好似而家咁囉

咁講尼有咩用

你估我想唔同佢地講我d心事ga咩

係每次係我講完之後都要傷多我一層

其實講真

今次真係覺得好唔据

巧婷問我有冇覺得係佢地累我

其實講真係冇

但係就覺得好唔抵囉

講到尾我真係1張牌都冇掂過

但係罰就一樣重

俾人鬧就多人幾倍

係大人既角度就係咁ga喇

算啦

可以當冇事發生過既(假既)

愈諗就愈唔開心

愈諗就愈唔抵

愈諗就愈覺得我阿媽唔了解我...

總之今日就好不幸啦