今日有好多開心嘅野發生..

第一..我終於可以參加到國民教育啦

第二..我呢兩個禮拜嘅行程表(六..日)都full嗮嚕

第三..M記又有hello kitty啦

好難得甘快就可以有咁充實嘅行程~

好希望日日如是啊^^

...........................................

今日深水埗落好大雨啊..

原本要嚟我屋企嘅時華佢地都取消左..改為下星期喇~

唔知ling佢地嘅舞跳成點呢??

講到跳舞真係好想跳啊~

諗翻自己細細個嗰時有得跳又唔跳...真係..

唉~令我諗到 <有時唔會珍惜嘅名句>

haha...希望之後有機會啦^^

.........................................................

今日同媽媽傾開計....

發覺依家D朋友開始會為左你某D野而接近你

年紀越大越嚟越發覺..

雖然知道...但係呢個已成趨勢..

冇得改變~唯有選擇默默接受~

每次知道左後都有一絲嘅不快..

但衹有選擇扮唔知同繼續陪笑= =

不過好彩依家我仲有得真心咁笑..

希望之後仲有機會啦,..

 亦希望雨後嘅晴空快將出現

今日最後一日考試啦..考完勁輕鬆~\

例牌集合..同朗朗佢地食飯..不過今次我地個個都眼訓到死..

so...超快散band..但係後來有鹹魚同我傾左D好得意嘅野..

係啊..今日考試好開心啊..最開心就系今日啦

今日考會計..本來我例牌都係喺銀行往來調節表埋唔到尾> <

點知今次我得左啦!!! 超有成功感啊...^^

感謝主~~

但係我覺得時間真系過得太快啦~

咁快就6月中..就嚟7月放假喇

真系超超超唔想羅,..好想返學啊..

今日啊..朗朗先同我協定左大家以後唔準激嬲對方..唔系一定要tum翻對方為止!!

好難得佢主動協定嘎嘛~ 咁快就放假喇...冇時間同佢玩啦..

唉.................

唔知點解..我突然間覺得所有身邊屬於我嘅野好似好快會冇甘

可能系我敏感啦

呢兩日我都有跑步啊...

好攰..但系要堅持..因為我要減肥!!

夏天到啦!!

唉...係咪人一得閑就會亂諗野呢?

又覺得D人好善變..

一時一個樣..唉...可能自己都系都未定...

今日嘅心情唔知點解好複雜啊!!

唔知點解呢??(首尾呼應)

ps..苦中作樂~~~

唔知點解呢排突然間多左個打日記嘅衝動...

呢排一直都好想記錄低我身邊所發生嘅事情..

o(∩_∩)o...哈哈...好事嚟嘅..唔知今次又可以堅持幾耐呢?

星期2嗰日我去左小雯屋企玩煮飯仔..同埋劉蓮仲有鹹魚..

我地決定一人一餸..佢地好好人啊!!知我平時都冇煮開餸..

今次只係叫我炒菜~ 哈..好彩我仲有一技旁身!!炒菜對我嚟講都應付到嘅^ ^

哈..反而小雯碟可樂雞就大跌眼鏡啦~ 完全得個甜味~ 後來要點住醬油先至入到口..哈哈

而且嗰日好開心啊~ 同劉蓮佢地大講笑話..又死笑鹹魚扮周傑倫><

總之嗰日超開心啊!!!!!!!

講翻今日啦~

我今日同飛珍排骨去左朗朗屋企玩狗狗啊~

喬喬同豆豆好可愛呀~

今次見佢地比之前活潑..一入門口豆豆就學曬喬喬咁係咁大嗌..

真係有D怕怕..不過好快我就同佢地係咁玩喇`

今次我仲抱住豆豆訓喺個沙發度睇電視啊~

佢D毛毛好舒服啊!!搞到我忍唔住係咁整佢D毛毛...係咁抱住佢..又將個頭high落佢度

真系好舒服嘎...真係超羨慕朗朗啊!!