之前因為大家工作忙而約極都約唔到, 今晚好開心終於約到好友(Pat)共進晚餐! 飯局上無所不談...談工作 / 談生活, 從而談到怎樣看待別人...明白到自己懂得的也要與別人分享, 不要有私心.  別人做得比你好除了是他本身努力之外, 也是有你給他足夠材料.  若他做得比你好, 你更加要高興.  做每件事都要憑良心去做, 要做得好除了靠自己努力亦須靠他人借力.  我們要懂得欣賞別人的價值, 我深明我怎樣對待別人, 別人亦會怎樣對待我的道理. 我好慶幸我所認識的 / 遇到的...都是有福同享, 有禍同擋的人. 我會好好珍惜眼前人

上星期跟她們聚會時順口開河話要做運動, 約好今晚去跑步...結果就咁開始左喇...

如果我無記錯的話, 自我離開學校之後今次係第一次去跑步! 可能係太耐無做運動既關係...真係有d力不從心既感覺! 跑一陣個小腰位就痛, 唯有慢慢行下! 感覺一樣好好, 因為今晚清風送爽...好舒服呢!  跑步時有一種好舒服既感覺, 可以咩都唔諗專心一致咁跑, 務求跑完為止, 又令我啟發左好多野 ~ 人真係要有目標感, 就算幾痛都要儘力完成, 唔好咁易放棄!  我要繼續努力做好每一件事!!!

今晚真係好開心

期待已久的一天終於到喇! 好開心見番一班舊同事, 仲認識左 d 新朋友 ~

在暴雨警告下舅父擔心我們的安危, 著我們取消夜觀營火蟲的行程. 當時真的怕因大雨關係而取消呢, 幸好上天在適當時候停雨, 讓我們可以順利完成今日既行程! 不令大家失望.

一行64人摸黑上山睇營火蟲, 感覺好特別, 從未試過咁多人一齊摸黑上山, 因為下了一場大雨所以營火蟲數目比想像中少, 偶爾見到好幾隻或一群在樹蔭裡, 好得意 ~ 見到黑暗中有幾點光感覺好奇妙, 點解d蟲會發光既

歡樂既時光過得好快, 轉眼就過完成一日既行程, 唔知幾時再可以成團再玩過呢

開心時刻 ~

快樂其實可以好簡單, 只要久不久約你既好友們食下飯, 傾下講下笑下就可以...

每次同尼班老友出黎聚會都會笑聲不停, 好開心 ~ 大家相識於童年, 中間有段時間曾經無聯絡, 直至好幾年前某次聚會之後就定左我地"十三樓之友"既組合, 並相約定每逄當中邊個生日都會成班人出黎飯局開心下! 當然, 過時過節都會有聚會. 有時會回憶番兒時既事...好好笑! 但今日就唔係提起兒時既事而係講到將來大家都老左之後不如住埋同一間安老院, 等大家有個伴唔洗咁悶喎....哈哈

人越大就越想多d活動, 多d同朋友相聚....因為有你地陪伴, 我會過得更快樂, 所以我會好好珍惜你地同珍惜每一次見你地既時間