5^thJuly,10
{Monday}{天明..炎熱...有猛烈陽光}

今日七點半醒左
小學同學打黎..以為係鬧鐘..
禁左接聽之後就禁左收線 ;D
之後醒醒地先知係人地打電話黎...即刻打返比人 @v@

起身玩左九個字電腦...
之後就洗頭..剪頭髮..換衫..出去..
去見工啊...
氣氛太緊張 -﹏- " 每次問問題七個人又淨係比三個人答
有啲似小組討論 =.= '' 唉
一開始自我介紹都冇開到聲..*.*
唔緊要...後面啲問題我都有出到聲
面試完後...陪小學同學去調景嶺到面試
撞正人地放lunch..唯有係樓下睇啲畢業生作品..
每樣都幾有心思...有啲就幾~~不雅 @o@ " 色情同藝術只有一線之差
睇完野..夠鐘..返上去...上去果陣見到有對情侶係馬路邊嗌交
好激烈...女:「你放手啊.!!!」 (衝出馬路)
           男: (拉返個女仔去馬路邊)
           女:「!#$%*&..*」 (唔知講啲咩)
           女: (一味係咁衝出馬路)
           男: (落足力拉返個女仔) ps..個女仔好似痴左線咁
個男仔係咁捉住個女仔隻手...個女仔勁甩勁甩個男仔隻手
仲開始打起個男仔添..
           男:「你癲夠未啊.!!」
最後...因為上到去八樓既原因...所以唔知後事如何 0v0
勁好奇最後係點 @o@ "

小學同學入到去報到完就坐低等了...
之後到佢去入去面試我就係出面欄杆等..
見到個女仔...做左朋友 @v@ "
小學同學面試完就齊齊去旺角行街..都幾多人下
又買左野喇 *0* Oh My God.!!
不過都算底到爛...有啲似變左師奶添 *v*
四十蚊買左兩件衫同一條褲.. Very Good.!
精打細算...=-=
四點九返天水圍...
去{珊珊}屋企拎野...傾下計咁就返屋企了~
充實的一天...好耐都冇試過

唔知點解哩排個頭又痛返 *-* 唉..
坐低就冇事...一起身就痛了~~慘慘
唔通又準備病 o_0.?!

 ThEenD tImE︰2010-07-05 10:02 PM  

 *`{ ♥} 留底你既牛言啦  !!*-♥  [ 訪客留言(4) ] [ 編輯日誌 ] [ 分享至FACEBOOK ]