哈!我今日終於去蛇口喇!(聲明:呢篇日記係我去完旅行先補寫架!)
ok啦!
唔係太好玩!
根本可以話冇野玩~(點會好玩?)
去文俗村淨係周圍睇表演!
有一個叫做咩咩咩...東方霓裳喎!好睇,(未到好好睇!)
有好多靚女著住d好靚既民族服裝跳舞!!(其實我覺得佢都唔算係跳舞,佢地係做緊唔同場面既話劇......唔係唔係,佢地唔講野架!!!
EM..........點講好呢?即係有一班靚女<<大陸人>>,著住D好靚既民族服裝,做D高難度既動作,有一個類似司儀既女仔係度唱歌<<所
謂既唱歌係背景音樂,之類啦!!!但係主角都係台上果班靚女!!!注明:個司儀唔露面,除左最後!!!>>,佢地有分第幾場架,係台既隔離有
一個小營光幕寫住第幾場,連唱緊果D歌詞都放埋出黎,好勁!!!)
哈哈哈..............明唔明?唔明就................問我啦!!!
其實我懷疑緊果D歌係咪果個類似司儀果個人唱既!!!~口~
同埋呢!
其實個表演都唔係淨係得靚女做<<以上既表演>>既!!!
仲有D呀叔(我都唔知佢地係咪呀叔@口@因為個台離我都幾遠,而且我又冇帶眼鏡!!!)~O~
係度灑火槍之類啦!!!(仲之就係高難度動作啦!!!)
其中我最難忘,最中意,最想睇多次,最高難度(唔知係咪),最令我驚訝既表演環節就係--------------
有一個白色3既女仔,佢原先出黎果時冇札頭髮既,跟住佢超勁呀.........佢不停原地自轉,一路轉一路用隻手札左一個計出黎!!!
^口^(佢大約轉左10個圈到啦!!!仲要係轉得勁快果隻呀!!!我都好想學呀!我真係想叫佢教我!!哈哈.............)
除左呢個東方霓裳之外,其他野都冇乜好睇,好玩!!!
基本上我地根本冇行過民俗村果邊!
我地係民俗村食完LUNCH(麵),就去左睇東方霓裳,跟住就去左錦繡中華果邊,冇再番去民俗村果邊行喇!!!(民俗村同錦繡中華係拍住,
同一個地方,不過睇既野,玩既野唔同,主題唔同,但係入場都係只比同一個價,比一次錢!!!)
所以...........HAHAHA...............唔洗講啦...............
係錦繡中華可以睇到好多,差唔多係全中國既偉大建築,或者係旅遊觀光景點既縮影(模型),一模一樣!(大小唔同,細好多倍!!!
)^.^
包括有長城,故宮,孔廟..............
就算連個瀑布,都照做條瀑布出黎,不過應該比真既細好多同埋冇咁靚!!!!
差唔多全日都係係度影相,影果D模型(假野!!!)^^
不過可以一次過去晒咁多個地方,果種感覺都幾好既!!!
今日係民俗村同錦繡中華度冇啖好食呀陰公!!!
係錦繡中華果度乜都冇得賣,冇得食,直情係連水都冇得買支,士多仔都冇間!!>0<
係民俗村果邊都好D,起碼有得<<食>>,但係就恐怖到呢,間麵店都冇野飲賣,有既!!!
有既就係白酒同啤酒,冇喇!!!
一樣係周圍都冇一間士多!!!
我地遺有係麵店度問老闆借水,斟入我地自己帶黎既水樽度囉!!!冇辦法!!!~口~
呀安(我呀妹)又係水怪黎架喎,係咁飲,好快又唔晒!!唉.............
最衰係我地得一個水樽,其他果D放左係酒店!!!
咁我地都冇想過呢D旅遊景點都會冇士多咁恐怖家麻!!!~口~
好喇~講下麵店喇喎,賣果D全部都係果D民族食品,真係一D其他野都冇,全部果D都係咩刀削麵,拉麵............果D咁既野!!!
不過.............
都幾好食,但係叫我餐餐就真係唔得喇,到時我就真係死比你睇!!!
始終食唔慣,我係城市人黎家麻!!!係咪?^^
等我講下我今日既TIMETABLE比大家聽啦!!!
9:20 起身
9:30 DADDY落街買早餐(粥,炒麵)
9:45 食早餐(DADDY買左鬼死咁耐!)
10:05 出門口,飛的去尖沙咀碼頭(10:30開船)
10:20 去到碼頭(差D入唔到閘,嚇死我,MUMMY話見到個佈告板寫住:
往蛇口 10:30 停止入閘,好在!去到閘口,都比入<<唔知點解?>>)
10:25 經完e道,搵船上
(搵左好耐,好喇,搵到喇,又要行去喎,又遠喎,最終就要跑...跑...跑...跑去喇!)
10:35 開船
(大約係11點左右,有個人問咪話:xxxxxxx既關係,船要到12:00左右先到達蛇口碼頭!<<xxxxxxxx=我聽唔到>>)
11:45 到左蛇口碼頭
11:50 過完關,行去酒店(南海酒店)
11:55 Cheak In
12:00 上房放低行李
12:05 落酒店大堂問人幾點有(專)車黎,係去民俗村既!
佢話要等到1點半先有第2班車,10半果班車走左!(我夠知啦!兒家幾點呀?)
跟住Mummy問佢咁番黎呢,幾點有車呀?
佢話3點半係最後一班車,係民俗村番黎!!
咁我地梗係唔搭專車番黎啦.無理由咁白痴去果2個鐘架!!
所以我地就淨係去果時先至搭,走就自己搭車!
問左果個女仔走有咩車搭之後,就上番房等1點半既來臨~
上到房,我地就係度睇電視!睇d唔知日本定韓國既綜合節目(好似掌門人之類果d咁,不過唔係!)
睇下睇下就到左1點半喇,真係快!
跟住就上車出發去民俗村喇!
話咁快,半個鐘頭們,就到喇!
去到就食麵,跟住睇東方霓裳,跟住就.................
周圍行去睇模型!
呀安(我呀妹)仲買左頂新疆民族帽添!!!
都幾得意架~
下次比大家睇下啦!
到左夜晚就周圍揾巴士番酒店!!!(唔記得左幾點!可惜!!!)>.<
好彩,都好快揾到!!!
但係周圍都揾唔到好野食!諗住番到酒店,去果d餐廳食野!
點知今日係平安夜,個個係度食聖誕自助餐,開始左一段時間(唔知幾耐),但係又仲要一段時間先完,起碼1個鐘!
跟住就諗住叫roomservice,點知d野勁貴喎!
一碗白粥,$25!!!
低低地架!
所以我地最終決定左去一間正常d(<---係dd咋下)既酒樓買外賣!!
間酒樓叫翠亨村,話說10幾年前daddy同mummy去呢度旅行果時黎飲過茶!!!(佢地唔帶我去,冇良心!)
好喇,所以我同daddy就去買喇!
係酒店行過去大約要5-10分鐘(以我同daddy既步伐!)
去到果時差唔多10點,但係同香港既酒樓好唔同,一個人都冇,淨係得一個jesus係度食野!!(個樣好似,但係唔係,佢d衣著都似,唔係
中國人!)
我地淨番冇幾多錢,因為呢度冇銀行,冇得攞錢,得番200蚊人民幣!
所以就就住就住咁買野!!
先先就叫左一個黑椒牛柳,一個福建炒飯,一個炒菜心!!!
叫完野,daddy無神神又話要去廁所，一去就去左10分鐘!!!
佢去廁所果陣，我係度諗緊夠唔夠食呢，我又好肚餓喎!!!
於是，daddy去完廁所我就同佢講話不如叫多個餸啦!!!
跟住daddy因為驚唔夠錢，就諗住叫多一個18蚊既餸就算!!!
點知冇得叫，要堂食先得!!!
所以2於就叫多左一盒白飯，就冇叫到餸添喇!!!
等左鬼死咁耐先到喎d野食!!唉~
~0~
買左就梗係攞番去酒店食啦!!
我仲食左超多添呀!
果晚都訓得好差!!
因為我同余安淘(我呀妹)訓,佢..............唉...........我都講唔出喇!!
佢..............佢張隻腳踏上黎我個身度，擲落黎訓!!!
唉~訓到我果晚幾唔舒服呀!!!
下次再去旅行，一定唔會再同佢訓............
幾意想不到的一日!!!
>口<
|
