今日同舅公佢地，同埋呀婆，呀公飲完茶（又係飲茶！放親假既職責就係陪佢地飲茶！），就番屋企，無聊得滯就整下湯圓比大家

食下囉！我好用心機咁整架！

我今次仲專登加Ｄ朱古力落去整，不過驚唔好食，所以就有Ｄ有加朱古力，有Ｄ冇！

好喇！到左夜晚，煲黎食啦，我係煲Ｄ朱古力味先既，點知一煲，食左一啖，覺得Ｄ味怪怪地！

媽咪食左仲即刻吐出黎，話有番簡味！

我仲話佢唔識食！

但係我又真係覺得有Ｄ怪怪地味！

咁我就以為朱古力味加落去唔好食姐！（咁下次唔整朱古力味！）

好喇咁煲埋果Ｄ冇味既湯圓啦，媽咪食左又吐，又話有番簡味喎！

咁我地就開始驚驚地，唔敢食！

就開始查明原因啦！

結果查出應該係因為ＫＯＮＩ（我工人）將包；糯米粉放左入去一個擠左好多支支裝沖涼液既箱度，可能咁喏包糯米粉個包裝漏

氣，攪到入晒ｄ番簡味！！（估架咋！！！）

唉.................................

白費晒我既心機！！！

＞口＜

整左成日架麻∼

今日放假，呀婆叫我去飲茶，咁我又冇乜野做，咪去囉！

飲完茶，經過一間士多仔之類既野啦！

咁就見到有糖蔥餅買喎！

咁咁喏我又想搵Ｄ野食下，咁就同呀婆講話，我想試下果Ｄ咩糖蔥餅呀！

咁佢就比左錢（＄５），我去買喇！

我見就見得多，食都係第一次！

好好食呀！

入面有Ｄ椰絲啦，一Ｄ攪到變左白色既麥芽糖，好正！！！！！

但係我唔係好中意食椰絲，所以就........................

如果下次買就一定會叫佢走椰絲！

我聽日一定要再買過∼

＾０＾

第2日!!!

我地全日係酒店遊黎遊去..................

又去下打乒乓波，又玩下平衡木，又周圍跑下跳下咁囉!!

首先我地就周圍揾呢個叫做乒乓波房，好喇，搵到喇！

就問人地比錢租啦！

咁租左喇，佢就比左３塊拍同２個波比我地，就叫我地去果間玻璃房度打！

咁果間玻璃房又好高級架喎！

又有防盜設施，又有埋冷氣，乜都有咁滯！

咁我一入到去就覺得有Ｄ嘈，所以就將道門山埋左，但係媽咪話有Ｄ局，叫我開番，點知，死喇，開唔番！

嚇死我！

咁果陣時ＤＡＤＤＹ同呀安係留下果個遊樂場玩緊，緊間上黎！

冇人開門比我地！

電話又打唔到！

跟住就冇理到，繼續打波，等ＤＡＤＤＹ佢地陣間黎先攪！

咁詔左一陣，佢地都冇黎喎！

就再試過打電話比ＤＡＤＤＹ，今次又打到喇喎！

好在................

咁佢地就黎，按左果個係門出面既掣，咁先至開到咋！

冇事喇∼

咁就繼續打波..................

打左冇幾耐就夠鐘交場！

5點幾就搭船走佬喇!!

>口<

走既時侯又係差d遲到喇!!!

係差d!!!!!!!!!!!!

冇遲~~~~~~

>o<