今日考完試，尋日本來諗住同佢去食lunch,之後去食糖水，or 睇戲..... 

點知考完試，call佢,佢約左佢爸爸媽媽去飲茶食野，原本想睇埋戲先去飲茶，
不過好似太趕，就去了雀仔街(好似係=v=....) 之後兩點就去到茶樓，
這是我第三次見佢父母，感覺上，好似已經"冇甘見外",
大家一邊飲茶，一邊閒聊，都好開心  : D 

之後一家人(A.A) 去左陪"媽媽睇鞋"，又落左觀堂睇鞋，
之後睇單車機，大家一邊行，一邊有講有笑，
佢話: 原本二人世界，變左家庭樂LU xddddd

我覺得，二人世界係好，只係有時我唔想佢成日為我洗錢，
((雖然朋友都說男人為女人洗錢是應該的，
有得洗好洗，遲d你想佢洗都難，冇得你洗到時你咪鬼喊)) 
宜家甘行街我都覺得好開心，佢媽媽仲教左我點用微波爐叮番薯tim  

買完單車機，就直接call車歸佢家，佢屋企人對我真係好好，
當正我係自己人，又比朱古力我，又叮番薯比我，又沖左茶，真係好nice :)
我都好 唔好意思，又食又拎，不過佢地真係好熱情，
其實我覺得佢地好易相處，可能大家既家教都差唔多，
相處都唔會算有太大壓力既。

=v=  d朱古力 夠我食一個月啦

上上次冇留響佢屋企食飯我已經覺得唔係甘好，
不過今次都冇留，佢屋企人都好體諒我，
=v=仲比左兩舊番薯我外帶上車食，之後佢就特登陪我答車，送我回家樓下，
一邊回家，一邊講佢屋企既野比我聽，
好中意聽佢講野，好似聽故事甘

不過今日考完試，真係非常累，好想zzzz，今日答的士同call車回佢家果陣 機乎訓著=。=

不過今日真係好開心

好啦:) 要專心考試了，唔想肥左又要retake，又曬$$$$

P.s =.=" 公雞仔，你又冇比返上次個保溫樽同戲票我.............!