今日依然落住濠濠大雨,而我都依然病到就黎死咁.

但由於下午4:15~4:45我要去學結他,所以一定要去.

我個心情好緊張,因為呢一堂係我學結他嘅第一堂 .

我扲住我至愛嘅結他去到琴行,跟住阿sir入練習室.

阿sir先自我介紹:"你好!我叫吳sir."之後,佢幫我個結他較音.

然後又同我傾咗一陣,有講有笑.講下講下,佢問我知唔知邊個係yui,我梗係答知啦!(p.s.yui係我最愛嘅歌手)

after that,吳sir 就開始教我結他嘅嘢.

佢分別教咗我g chord同左手練習.

佢重話响呢一個禮拜,我千其唔好咁博命練結他.

吳sir話因為我d手指重係baby肉,如果太過博命練結他,d手指會好痛.

不過,佢話痛係正常嘅.好彩,呢個阿sir唔係d成個木頭嘅人,重好好笑tim!