今日派卷&打針呀!派卷d成績如我所料，未如理想!!差到冇人有.......今次死lu

至於打針我開頭唔驚，但到就黎打果下我就開始驚啦。枝針好長下，打落去果下冇咩感覺，一d都唔痛，但係打完之後就有少少痛，之後就痺痺地。跟住就冇咩痛or痺既感覺。但係宜家一用力就覺得痛痛地......

唉~今次exam實衰啦，超低分.........

我d分數全部係上面，有緣既話可能睇到，祝你好運!!

d資料會定期更新.....

今日熱死人啦!呀，有樣野唔記得左，聽日要打針.....

今日番完教會後，諾&雪比人捉左去講福音，我就係home無所事是，不過都好過佢地要個別講既....

大家聽唔聽到我首blog music??估唔估到係咩歌?

yesterday去左swim哂到黑上加黑.......今日我終於都睇我n世前買既eng書，d內容好吸引，但睇死人，要狂查字典....到宜家先睇到果一半....本書好薄下.....81頁....點解我可以睇到咁慢...

終於都考完TSA lu! Happy~不過考試就....唔想派卷，事關實在....考得太.....第一次有咁極度唔想派卷既感覺，今次真係考得差到破歷史新低呀，接受唔到.........

今日同左某兩個人去游泳池swim，講真我唔係好識游，識少少咁啦，我實在游得太慢啦。真係唔好彩，游水果陣見到個小妹妹(咁樣稱呼對佢實在太客氣啦)，佢係到跳水，仲要係見到有人先跳落黎，都唔知佢搞咩，勁黑人憎，我都見到有人啤住佢嫁啦。佢仲要冇啦啦撥d水落黎我地果度，佢都mad嫁，同佢有仇呀?!!阻住哂，成隻跟尾狗咁，人去邊佢又去邊，我地去跳樓佢係咪都跟住黎先，係又唔區呀。

今日要考TSA，所以要番學。我記得今日作文果到要我作一篇倒霉既野，今日真係唔方唔倒霉啦，兩之都考難D果篇......唉...不過都冇咩所謂啦，反正識做。

咁早放學，番左屋企都唔知做咩好，我又唔溫書，對住部電腦又悶喎.......

就快畢業啦，唔想升中，你話如果成世都係讀小學幾好呀，或者係同D小學同學一齊同讀一間中學，係咁就唔洗咁煩啦。不過如果係咁就世界大亂lu

個blog又轉左music啦，你估呢首係咩歌?留意d歌詞就知嫁啦。