今日係2014年3月22日 星期六
以免大家唔記得我係邊個, 容我係到自我介紹一下....
我個名....xxx(係朋友都知道), 英文名Tina, 或者叫我Yuko都可以, 有d人會叫我海獅.
今年...今日19歲, 生日係1994年4月24日, 屬狗, 金牛座.
身高一米五五左右, 體重...(好耐無量)估計都破左130, 血型係O型.
屋企成員有爸爸, 媽媽同細我兩歲但係有米八ge細佬,
我畢業ge中學係廣大中學, 依加係澳門大學葡文系大二生,
雖然到依加葡文都唔係幾好, 但只少識得同人用簡單葡文交談.
我有做兩份兼職, 一份係會所兼職助理, 另一份係工程研究中心ge學生助理,
其實仲有一份係婆仔屋ge兼職公關, 不過唔係成日番.
平日ge生活好簡單, 唔係番學, 就係番工; 唔係番工, 就係屋企..
係屋企一係打機, 一係睇片, 一係練歌, 一係做功課, 一係温習....
事實上都離唔開間房...
因為唔想有太多時間係房間hea, 每隔一段時間我就會去報課程充實自己的生活.
星期六下午上日文課, 今日係考初級一段ge日子..
今朝温左全部生字之後, 決定唔温啦, 橫掂唔會唔合格,
唔係我自負, 而係事實, 我又唔係第一次學日文,
之前都花左一年去背五十音, 用五十音彻ge生字我會唔識?!
橫掂依加都無人會睇blog, 誠實d都無所謂.
因為受不了日漸變大ge肚腩同patpat, 再忙我都會擠時間做一個鐘ge運動,
雖然唔係日日做, 雖然有時會覺得麻煩唔想做, 我都會堅持每個星期至少兩次去做gym,
......嗯.......會堅持架......., 雖然只係開始左一個星期...
為左減肥, 我仲下左個好痛心ge決定,
從上個星期開始, 我要 戒 朱 古 力!!!!!!
雖然我以前一直都唔認為食朱古力會令人變肥, 但係為左我偉大ge理想, 再痛都要戒!!!!
無奈ge係上星期蘭姐黎屋企戈陣帶左朱古力甜筒....我破戒了....
唔緊要! 衰左一次姐, 唔好再食就得lo~
下次再遇到呢d情況, 唔好食啦~知未?~
啊~我記起上次suki黎戈陣帶左繽紛樂比我...
唔好再引誘我啦~我唔食丫~~唔食丫~~~
屋企琴日裝左光纖, 但係我feel唔到光纖同之前戈隻有咩分別.
蘭姐考上左警察, 我好開心, 真架~
感覺幾特別架, 有朋友係警察~
佢話四月中就要入營, 只少要成年先可以出黎,
係入面唔可以同出面聯絡, 佢話今年唔可以同我慶祝生日lu~
無關係, 今年唔得, 出年lo~
啊~唔記得我出年要去葡萄牙, 應該唔會係澳門慶祝生日..
咁再一下年吧, 幾時都得, 只要佢仲記得有我呢個人就得la~
我呢個朋友好搞笑, 成日話自己無朋友, 但係每日每分鐘都同其他人係度wechat,
手機不離身丫~ 就算同我一齊都一直wechat...
所以我先唔中意呢d無人性ge發明..
講起呢個朋友, 真心有好多野要講, 今次就講到呢度, 等第二日有空再詳談吧.
講起朋友呢個話題, 其實我又會聯想到另一個朋友suki姐,
suki姐~不是姐~佢係同我同年但係又細我差唔多半年ge同學,
因為佢性格比較成熟, 就好似姐姐咁, 叫suki姐當之無愧啊~
佢依加選擇唔讀大學, 係某銀行ge秘書, 嗯~每個人ge人生都唔同ma~
係大學年半ge生活, 我認識左個新ge朋友, Lucia,
佢黎自安徽省, 係我葡文系ge同學, 而且算係我大學入面比較親近ge朋友,
仲有一個月就要踏入二字頭了,
我一直都幻想二十歲之後我應該有d咩ge改變,
我仲列左一張二十歲要做ge清單,
希望可以一一實現吧~
夠鐘去考試啦~故事未完待續~
|
