番黎無幾耐,

就要去校園獎勵計劃個camp,

真人係攰死人la!!

朝早番學,放學去活動班做小老師,

之後去食完野就番黎學校stand by,

齊人之後大家先玩小遊戲熱下身,

等車到之後就坐車車去慈青,

玩左幾個game之後,

大家就去到BBQ場準備今晚ge晚餐,

而部分同學就上山去露營地扎營,

第一次扎營心情好high~

見到自己親手扎的第一個營,

不禁想叫佢做仔仔,

跟住落到去BBQ場開始燒烤la~

食左好多,好飽~

完左大家齊齊上山分營,

我緊係拿拿聲搵番我個仔la~

放低d野之後,

開始準備深夜ge活動,

就係黑夜穿林la!

一開頭大家先穿過樹林爬上山,

好後悔唔拿個電筒去,

好幾次差d跌死~T^T

過左呢段之後行左一段路,

就齊齊off電筒係黑夜中行,

行左好耐好耐,

終於都番去營地la~!

不過戈陣已經係1,2點la..

仲要去排隊等沖涼洗頭,

我依稀記得當晚我係三點半訓ge...

頭髮好似仲未乾晒,

好痛苦,T^T..

第二日就番去慈青,

大家一到就好似死屍咁訓晒係地下,

成個室就變左個停屍間..=口="

過左個鐘頭之後就開始玩最後ge遊戲la,

之後大家落樓下食中午,

好懷念初三ge慈青營丫~

食完等車番學校,

今次係人在野帶番黎ge禮物係,

十幾個蚊爛...=口="