岩岩去完美食節,超飽~

番到屋企打日誌~

原本係前幾日去架,

因為某d原因所以到今日先去(絕對唔關細佬事)

今年好似新增左台灣夜市~

其實我想去台灣d夜市好耐架la~

不過都無乜機會去.

我一早就換好33,等晚上美食節ge來臨.....

爸爸用私家車車我地去美食節~仲比左500蚊我

換完錢之後~更係先去台灣夜市到睇下la~

今年好似比上年仲多人,

上年都可以話係行到路,

今年就好似係跟住d人流咁"隨波逐流"

突然之間見到有間店上面大大隻字寫住"雪花冰"~

睇落好似幾好食咁bo~

就諗住去排隊買la~

點知..........行........行................行........................行...................................行

行左咁耐....都唔見條line尾...........

唉................唯有放棄唔食la......

跟住行行下........細佬話見到電腦阿sir

我以為係鄭sir~點知係歷史李sir~

李sir係教我細佬電腦ge,所以佢都無講錯...

我就行過去同李sir    say個hi~講左幾句就繼續起程買野食.....

第一樣買左雞蛋布丁,排隊戈陣, 見到入面d人享到跳舞~

(唔知係咩舞,但係氣氛超好)

跟住行行下,又見到mz,bunny同+好~

傾左一陣就比媽咪急call,

番去途中我買左黑鮪魚香腸兩條~(同細佬一人一條)

買左兩包薄脆~(同細佬一人一包)

買左一個刈包~(都幾好食)

搵到爸爸佢地之後,佢地又話要買野飲,

so,我同細佬去買.....

去到可口可樂戈度就同佢分開左~

因為經過戈陣見到有間賣果汁ge~

就去睇下有咩買~

d人話枱上面有乜就有,無就係賣晒

我見到有個寫住橙汁.....so吖左杯橙汁

點知佢話:"橙汁"賣晒,得"橙什"咋

吓.........跟住我再睇一次......原來係我睇錯左........==

買完之後,番到去........見到枱上面有四支可樂

有種三條線落黎ge feel........

我比左我戈支比細佬飲,跟住就坐底食野.........

食野戈陣.因為媽咪要番工,,

所以爸爸先車媽咪要番工,再番黎同我地繼續食...

食完之後,見爸爸仲未番,就買左一包爆米花同兩支芒果汁~

過左一陣之後,

爸爸番左黎,就一齊去下面玩game~

玩完game之後,見有剩就去買左雪糕食~

跟住番屋企~

好多謝爸爸帶我地去美食節玩丫~鍚晒你~

(細佬今日比左一盒某牌朱古力比我~超好食的~)