好耐冇打blog喇!!
呢幾個月真係發生左好多事>.<
一言難盡...............
講個故事比你地聽丫!
↓↓↓↓↓↓↓↓↓↓↓↓
故事ge主人翁叫B女。
兩年前，B女同佢男朋友A君因為一d好小ge事而鬧左場大交，最後分手收場。但雙方都知道對方係對自己仲有感覺，但佢地只係將感覺埋係心裏面，一直都冇講出來......
幾個月後，B女身邊出現左另一個男仔─C君，因為B女覺得身邊冇左一個男朋友好唔習慣，所以佢就同左C君一齊(佢心諗：冇船塔，攬返個水泡都好!)。
但相處ge日子多左，B女又越來越對C君有感情，但每當B女唔開心ge時候佢都會諗起A君，想同佢傾訴心事。
話咁快，B女畢業喇!兩人ge生活圈子都唔同左，要ge野都唔同左，而爭執亦都多左。C君身邊多左好多女仔，B女每次同C君行街，C君個電話都會響個不停，C君仲漸漸咁對B女冷淡。而B女就開始懷疑C君......
最近B女同C君感情又好返小小，點知A君又突然係B女面前出現。
B女發現原來佢對A君仲有小小感情，但佢知道佢已經有左C君，佢亦都好清楚佢係唔可以一腳踏兩條船!
「A君係我需要ge類型，但C君ge長處係A君冇!而且C君對我百般遷就，我想要乜佢都會盡力比我，以我為先。如果佢地兩個係一個人咁就好喇!起碼我而家唔洗咁煩!!!」B女心諗。但世事又點會盡如人意丫，B女好清楚咁知道：凡事都係冇兩全其美。
-------------------------------------------------------------
故事就講到呢度,相信同我熟d ge人都知我講緊咩啦!!!
如果你地係B如你地又會點去選擇呢?
我希望下次我打blog個陣我可以話到比你地知我ge答案! ^_^
| 
