今日照常咁上堂,無咩特別,好多功課積住

左係度,想做,但無咁既行動,想睇心理學多

啲,放左學就去左練郎誦,好快就練完,因為

呀劉sir趕住去睇下面藍球俾賽,睇你都知.....

之後就番屋企就訓攪,訓到食飯先起身,由

於今日lunch無食野,已經覺得頭暈暈,放學

番黍個時都無咩力,不過天日會繼續唔食野,

如果可以既話野晚個餐都想唔食,今晚食番

飯,跟住照樣做番之前啲野.....

PS:開始覺得愛情呢樣野有種討厭既感覺,

畢竟愛情而家對我黍講唔係一樣重要既野,

睇左關於心理學既書開始有呢種心態,其實

呢種改變對於我黍講係好定唔好,心中己有

一個答案,點解會咁,一時一樣.....

而家只想盡全力去郎誦比賽,畢竟呢個可能

係最後一年既比賽.....

今朝個天暗暗地,所以帶左把傘出門口,好彩行

路個時都無落雨,番到去就閱讀堂,之後就上中

文,之後就經濟,第二個小息個時幫楊永林佢地

三個練郎誦,練楊永林一個已經練左成個小息,

因為佢之前都無咩點練,所以想同佢練番先,之

後本身想再練多陣,但佢地又要羅飯又要話番

俾呀sir聽,唉,無哂時間,跟住去搵黃sir,點知

空堂唔知去左邊,跟住文太話咁唔太好,咁我

都諗左一陣間,覺得都唔係太好,都係叫番佢

地去上堂.....

搞掂哂啲野之後,就上番去上中史堂,可能走

左好多次,又肚超餓,琴晚又差唔多2點先訓,

加上今朝又對住個風扇黍吹頭,搞到個頭就

黍好似爆炸咁,勁痛,又想嘔,個感覺就好似

暈車浪咁,好辛苦.....

直到lunch出去食野先好番啲,不過個時都

落緊雨,好彩今朝醒目,到左英文,無咩點教

書,好多人都落左去彩排,所以就係度諗點

作文,不過我都係度休息左陣.....

上緊堂個時落勁大雨,走個時見到呀詩,跟

住佢話要練一陣郎誦先走,咁我就等埋佢,

走個時已經細左雨,搭車到左我屋企個站

個時,詩無傘所以我就去到華明先落,落到

車特然間,想去海豚(大玲既表弟)屋企打

太鼓,去到佢家姐都係度,感覺怪怪的,之

後同呀海豚打鼓機,跟住就我同呀詩玩,

本身上次去到佢屋企,真係手部唔協調,

但係今日去到玩左兩次之後,有一首歌

竟然可以一個都唔甩,超開心的說,跟住

抖左陣佢地打,我就係度睇野,細心咁睇,

見到有個玻璃鞋係度,超靚的說,上次雖

然有望過呢個位,但都望唔到,跟住睇到

個電話,媽有打黍,個時已經係5點,跟住

拿拿聲同呀詩玩多幾鋪,點知我地末走,

海豚就落左街,我玩左兩鋪打鼓,5點半,

咁我地就麻煩海豚家姐幫我地開門,真

係唔好意思.....

番到屋企,呀媽同爸話食左野好飽,所以

野啲先食,無所謂,都唔肚餓,可能係海豚

屋企飲左包野飲,就更飽,本身都唔肚餓.....

食左個楊肚之後,酸酸地,跟住就肚餓拿,

之後打左俾楊永林問佢地啲郎誦成績點,

個時連我都嚇左一跳,有兩個80字頭以

上,一個就65,個時真係勁開心,仲開心

過佢地.....

去到係食飯個陣食到一半就唔係好想食,

突然又無咩謂口,隔硬食哂啲飯,之後就

打日記.....同人玩下msn同睇下電視咁,

之後就整開始整日記生崖.....之後就要

攪豬嚕.....

PS:係英文差唔多放學個時,聽到啲

唔應聽到既野,個時真係好唔開心!!~~

不過第一次教人練郎誦,已經有咁好

既成績,真係好好好開心!!!~~~

唔知度自己既郎誦比賽個時,會唔會

有咁高分呢!?

距離生日仲有15日渣,快啲到啦,唔

該!!~~

今朝番左去教會祟拜,完左之後就去大排擋

食飯,跟住俾我既預感靈左,真係見番佢地,一

開頭已經見到你啦,以為我肓既咩,仲係到扮

見唔到,我特燈企係你面前架.....

今日食飯有啲唔同,多左兩個人,就係海豚同

黃棟,嗯,見唔到教會之前某個人既話,食野食

得仲開心.....

之後就番屋企,又食左小小野,之後坐左陣,就

訓攪嚕,點知末訓著,隻豬就打黍話海豚得閒,

去打牌,去到佢屋企樓下,佢話有啲事,唔打得,

咁唔緊要啦,下次囉,又唔係無機會.....

之後就番屋企,再訓過,訓到食飯先起身,食完

飯,就打日記.....

PS:琴日係海豚屋企真係玩得好開心,又煮飯

仔又打牌咁,不過鋪鋪都摸和,唉,真係橙呀.....

只要係教會就一定會有開懷大笑既時候,係學

校既話.....

希望ROY佢姑媽早日康復,快啲出阮.....

天日就要換冬季拿,頂,個天氣仲咁熱,想熱死

人咩.....

今日一朝早6點半就起身整野,食野,搞好

哂啲野之後,7點10就出左去上水,無幾

耐就見到佢,由於我地早到左既關係,我

地等左好耐佢師傳先落黍,佢地整好哂啲

野師兄先開車之後就出發去香港仔.....

坐左好耐,終於都到體育館,一去到仲末

開始有得睇比賽,因為個時10點都末到,

佢地去左換衫,我就坐左係度看野,到左

lunch時間,本身一齊去食野,但我改變

左主意,佢地去食,我上番去睇俾賽,同

個師兄係度睇,估唔到同佢都幾好傾,

無幾耐,佢地食完野,呀晶就第一個打,

不過睇唔到,隔太遠同俾啲人庶住左,

坐第二行睇唔到,之後就到另外一個

女仔打,個名好似叫沂,跟住就到佢打,

之後就黃棟跟住就黃炳權,黃棟入到4

強,勁~~不過到最後都係輸左.....

睇完空手道俾賽之後個師兄就車左我

地去地鐵站,諗食咩都諗左好耐,之後

諗到去火炭,就去搭巴士,原來係咁貴

的,差小小負錢tim,呵呵~~

去到火炭搭的士去食野既地方,係的士

個時,黃棟同晶係度玩寸咀個時真係勁

搞笑,好快咁就到左食野個度,食到10

點半,就去搭巴士,等左勁耐先黍,我都

就黍想放棄去搭火車,不過都.....

番到屋企,成個人好似軟腳蟹咁,累到

無輪,權佢地俾賽都好精神過我,唉,老

拿老拿,之後拿拿聲沖涼訓攪.....

PS:今日真係好開心呀!!~~睇俾賽好

似睇極都唔會厭咁下次你地都要努力

呀,個師兄勁好人就話下次有啲咩俾賽

或練習都叫埋你啦,好野,聽左之後高興

度又再高升,今日真係好開心,好開心!!~~

今朝一早番到去就早會,好耐都末企過拿,

早會末完之前黃sir俾左張回條我,呢個活

動係關於幫啲傷殘人士學電腦,我都幾有

興趣,所以都會去,不過要去到西貢,車費自

付,咁囉,不過有人陪,無所謂啦.....

早會完左就上經濟,好野,女仔無人零分,之

後就上數學,跟住就地理,收啲野都收成堂,

得一堂係教書的,跟住就上英文,跟住就lunch,

今日食野食得好快,因芷要搭3番到學校,咁

我就上左去圖書館羅書睇,見到肥鵬都係度,

就同佢一齊睇拿,打左上課室既鍾,就要上去,

因今日要開班會,上到去佢地係度開戰緊,頂,

咁就無開到班會,佢地玩到打鍾,之後先開過

2,3分鍾,跟住R就入左黍課室,咩都無開過.....

跟住就上PE拿,佢地跑完步之後,佢地就坐陣,

就開始打羽毛球,一開始就唔好玩,之後就超

勁好玩呀,有個對手同我玩,真係唔同啲.....

放學換衫個時,整下幅眼鏡,跟住拍一聲,頂,

fuck,斷開左,跟住諗住拿拿林去校務處羅膠

紙去頂住擋先,點知啲校工同個副校長話唔好

wor,會整親隻眼,哦,咁之後就放棄左無整拿,

之後又要搵劉淙裕練朗誦,唉,搞成咁,都唔想

練,練到差唔多4點先走得,行到去巴士站,見

娜娜個細佬,佢同佢啲fd傾計個時講個鞋字,

我就諗番起,呀!我袋體育衫呀,頂,唔怪知得

兩手空空咁啦,之後就即係番到學校2D個班

房羅番,岩岩練朗誦個時留低的,唉,之後先死

死氣地行番巴士站搭車,番到屋企一陣間,就

落左去眼鏡鋪睇眼鏡,好快咁就睇中左,因為

有個人介紹左俾我,估唔到好耐之前去過一

次,佢都仲記得我,揀完之後就同佢地係度

吹左成個幾鍾,途中佢地一個客仔都係度吹,

睇佢個款好似幾有錢咁,同佢地傾度6點,就

快步行番屋企睇浪漫滿屋,之後就同媽咪去

左M記食,今日呀詩都係度番工,佢仲俾多包

中暑條我,呵呵,多謝哂,食完之後就去左睇番

學鞋,點知唔岩心水,呢對我都唔係好想換,但

媽咪見到我對鞋爤成咁,所以就叫我買,不過

我諗住天日先係上水買,呢度個啲唔岩我,跟

住就去左萬寧買野,勁抵呀,啲野大减價,再

加9折,嗯,抵買~抵買!~

之後就番屋企,沖涼搞好哂啲野都差唔多

9點半,之後就諗住睇肥田,點解?點解無得

做的,睇埋啲垃圾賀台慶,咦,無得睇,勁狗,

之後就睇再一集情深深雨濛濛,之後就打

日記,跟住睇多一陣浪漫滿屋,跟住睇多陣

圖書,訓攪嚕.....

PS:今日款眼鏡要3百蚊,對番學校又要百

幾,唉,真係唔想買,今日真係我既黑色星期

五,距離星期日仲有一日渣,快啲到啦,好想

去睇比賽呀!!~~