今日7點幾就起左身拿,以為要補考,點知係9點9先考,

唉,痴線架,呢排做咩呀,都唔知做乜,番到去同芷茵,珠,

包個啲傾左陣計,補地理個時就4班一齊考,跟住又要分

番開,唉,真係煩,啲考電腦考完就要燥住話走先,跟住就

走哂,我都考完個時都想走,跟住條8婆仆街話遲啲先啦,

岩岩考試個時遲左,好,忍你,之後佢考先拿,又話要走先,

(個時間末到)有人又末做完,屌,跟住我忍唔撚到拿,我同

肥鵬講話你叫佢收皮啦,係呀,我擺到明係話緊你呀,點撚

樣呀,屌你老母,好撚火囉,你食屎大架.....

佢走出去之後,我仲大聲啲tim,我唔撚信你聽唔撚到,屌

拿媽,我係呢半年都忍夠你拿,得寸進尺,人容忍係有限度

架,我發誓:以後我同你誓不兩立.....

死仆街婆,你小心俾車車死,俾人打死,晚晚發惡夢夢死.....

PS:今日好火呀,所以打左好多不當語言,記得唔好學bor.....

今日一朝早就要補課,唉,3個鍾,頂.....補完課就番屋企,

係學校到約左呀蚊去睇戲,今日有呀麟啦,呀蚊,呀佳,樹根

仲有我,到左4點50就同樹根兩個去UA先,去到UA,等左

一陣呀佳,呀蚊呀麟個啲都到埋,買飛個時勁白痴,唉,又係

咁拿,連續兩次帶錯學生證,我頂,咁就貴左拿.....

買左飛之後,就買野食,跟住就入場拿,睇到開頭,個時我真

係好想走,因為好恐佈呀,不過耐左之後,就無咁恐佈lu,李

心潔拍戲都幾真下,睇完之後,呀蚊呀麟就去行街,我,樹根,

呀佳就番歸,係沙田火車站見到一樣野,超靚呀,水晶蝴蝶,

不過一定好貴啦,大個賺錢,一家要買俾自己,呵呵.....

番到屋企,睇電視食飯,打日記,就這樣.....

PS:今日同樹根傾計,發覺我自己有啲野開始放低,連我自

己都唔覺,不過對我黍講絕對係一件好事.....不過樹根你就,

剛好跟我相反.....

今日係中四既最後返學日：

今朝一番到學校,坐左無幾耐,健同我講話有彩虹,華,一見到

我就超開心,見到彩虹就如幸運會降臨在我既身邊一樣,

我最愛既彩虹,最期侍既彩虹,終於都出現係我既眼前,不過

隔左唔夠5分鍾就無左拿,呢短暫既光芒就此消失,雖然

我好討厭落雨,但落雨可以有10分之1令我有機會見到彩虹,

落雨都有啲幫助既,之後個啲堂數全部都係對卷,嗯,好快

咁就一日拿.....

PS:Rainbow~Rainbow,little star.....

今日呢就10點幾起左身,點鍾就係大堂度join芷茵同cammy,一齊去尖東見工,

同cammy講左咁耐原來係板前,唉,我仲以為係啲咩西餐廳,不過都好,見下,反

正cammy係度,做既機會率就大好多,我同芷茵食完之後先去見工,cammy就

要番板前,唔得閒理我地,3點到見完之後,就係尖東到遊湯,就諗點哂時間,因為

8點就約左呀詩,係旺角,諗黍諗去都係覺得睇戲,跟住就睇左達文西,套戲都幾ok.....

睇完之後,本身就諗住唔去旺角,諗諗下都係去,生日無計啦,生日個個大哂架ma,

係新之城join左佢地之後,就去影貼紙相,不過我唔係同佢地影,係同芷茵影,同芷

茵識左咁耐,都係第一次,可能係第一次既關係啦,影得特別ok,影影下咁就無左一

個鍾,我仲同媽講左10點走,唉,影完之後都9點3,跟住仲要去第6感,邊有咁多時間

呀,唔好玩啦,join埋其他人之後,都9點半,夾夾埋埋都有10個既,5男5女咁囉,上

到第6感之後,對呢間野無咩好感,坐左一陣我地成班女都話要走,跟住呀詩就,唉,

佢入左廁所之後,有一個女仔真係走左,唉,跟住就4女5男係度,男既就話鋤D,女既

就係度玩塔罹,當然係我占啦,玩個時,好似係度拆人地招牌咁,呵呵,玩完之後,個

個都覺得悶,大家就係度吹水,講下玩咩好,個時真係好想去大尾篤,但個4個男仔

住得好遠,不過我諗佢地都無咩所謂既,呀詩同兩個女仔都要12點之前番,我媽又

要我番歸,唉,無計啦,11點到我同芷茵就走拿.....

番到屋企,兩個呀哥就係度睇波,我就入房,可能係第6感飲左奶茶既關係,加上之

前無食野,跟住個肚超痛,救命呀,不過無幾耐2點就訓攪唔理lu,今日就係咁過拿.....

PS :詩…生日快樂!!~~

今日同琴日我都係去左芷茵個釣蝦場幫手,琴日做到我同芷茵

死咁渣,我終於明白冧檔係幾咁辛苦6,7個團逐一走哂過黍,呢

個話要呢樣,個個話要呢樣,華,煩到嘔.....

忙完一輪之後,7點幾就開始燒野食,一路燒一路做,差唔多11點幾

就同文太搭車走,係途中同佢傾左好多計,我覺得同佢真係一啲

代溝都無,唔,唔錯,幾好,琴日一朝早去到真係好呀,一出街就即

見到我既至愛,差唔多到釣蝦場既途中,俾我見到好多超靚既法

拉利車,仲有我既至愛橙色既法拉利,華,華,華.....超開心呀.....

琴日到左12點幾先返到屋企,個時既我已經死左拿.....

到左今日,10點幾出發,不過今日芷茵就唔得閒黍,要慶祝晶晶生

日,所以就唔得閒,不過我就無所謂,一去到就超多野(汁),好多野

淨,超多垃圾呀,救命呀,不過我都預左架拿,因為琴日又超多佢爸

爸啲朋友黍,又有另外一啲人唔識既人,所以.....就係咁拿......

做野既時間真係好快過,話咁快已經差唔多係2點拿,之後叫野食

啦,個啲真係唔係人食架,食到一半,我就無食拿,呀姨都係咁,唉,完

野過後,就要又繼續做野拿,不過今日都無咩人,一啲團都無,

不過賺小琴日一半,最好笑既係,有好多唔知既人都以為我係芷茵

媽個女,不過都唔出奇既,覺得幾好笑ja.....今日好想好似琴日咁,咁

多人,講真,琴日越做越開心,越做越想做,做野個時,好似咩都唔幾

得哂咁,我覺得咁樣好好,好舒服.....

到左6點幾我就要走拿,因為天日仲要番學,不過係走之前,芷茵媽

俾番呢兩日既人工我,講左一輪之後我都係收左.....

由於太多人既關係,我搭唔到巴士,同一啲唔識既人搭的士,古唔到

咁貴架,成50蚊,不過每人只係俾10幾蚊ja.....

我搭緊的士個時諗左好耐,買自己野先呀,定係買呀媽啲野先,因為

差唔多母親節,又係第一份人工,所以想買啲有意義既野,落左車之

後,一路諗,但係隻腳又好順其自然咁行去買呀媽啲野,好,我已經睇

仲左一件唔係好貴既衫,個名好似係叫gitti既衫,之後就買左落黍拿.....

番到屋企已經係8點拿,一番到黍即刻沖入個洗手間沖個涼,華,真係

熱到乜咁.....下星期正式番工拿,好野,開心,下星期再接再厲,迎雖努

力.....

PS:加油!~加油!~

                             玲