|
|
每個人都有無限o既價值,講2個估仔俾你聽
第1個係..有個自怨自艾o既人(A),遇到一個智者(B)
A:我一無是處,冇價值嫁啦..唉~
B:我斬你一隻手指,之後俾100蚊你,你制唔制?
A:唔制呀
B:我要你一隻手,俾1萬你,要唔要?
A:唔要
B:我俾100萬你,你要變成80歲老人,要唔要?
A:唔要
B:我俾10億你,你要即刻死,受唔受呀?
A:你都痴線o既..梗係唔要啦
B:咁你依家就有10億資本啦..
第2個故事係..又係自怨自艾o既人(A),遇到一個智者(B)
A講到自己冇咩價值..
B:你知唔知一斤米o既價值係幾多呀?
A:唔知
B:如果對種米o既農民黎講,只係值1蚊;如果包裝之後,o係超市度賣值20蚊;如果用黎造米粉,就賣到50蚊;如果拎去釀米酒,就賣到100蚊
樂觀d睇,每個人o既價值,係睇自己o既取態,自暴自棄o既話就一文不值,但自己只要積極進取,你o既價值係可以去到無限大
我相信每個人生出黎都係差唔多,入黎prefect,冇一個係負累,包袱
我認同有教無類依個講法,經過教化之後,絕對可以化腐朽為神奇
例如我,你冇諗過我係要面試2次先入到prefect,但係我聽教聽話,肯去學,由一個small potato做到head prefect,平步青雲~
不過,如果唔自愛,唔接受人地o既勸導,我地點做都係冇用,你都有眼睇,有d講野好叻,有自信o既人,絕對係可造之材,絕對可以話有先天優勢
但係佢唔自愛,o係prefect度浮浮沉沉,最後仲要俾人炒...原因好簡單,就係唔自愛,唔珍惜機會..
你生日果日放學,見唔見到我o係操場度望住你?
當你企o係長凳上面講野,雖然唔見得係講得好,又冇自信又盛..但係,入黎1年都唔夠,平時又唔多出聲,其實都幾令我驚喜
相比同期o既我,你叻過我好多嫁啦~
只要肯去做,過我頭其實係冇難度..
新一年,希望我會見到新o既你..亦希望你可以幫我帶動到其他人努力去做,特別係班助理
prefect o既未來就係靠你地嫁啦..(依句雖然"行"爆,不過事實上係真o既..依度o既prefect個個都係要由低做起)
其實每個head p都有期限,我點都冇可能做足一世嫁
新一年,個勢雖然係睇落弱左d,不過..如果大家交個心出黎,好搏咁做..一定會成功
我希望我"執政"o既2年..係prefect最差o既2年...即係話,我希望你地會比我做得更好!
一大班prefect同你慶祝生日其實好難得嫁...
講到我o既生日..唉..冇朋友會主動同我慶祝,上年我o既生日,要我自己諗自己搞,仲要"邀請"左十幾人,最後先黎左幾個..
講真..其實我都幾妒忌你嫁XDD~
不過你記住黎,曾經擁有已經算唔錯~
至於追女仔依方面,我幫唔到你啦..我食開檸檬o既..酸死啦x﹏x"
不過呢...我都識少少"理論"o既..
就係要面皮厚,唔怕衰....感情依d野,急唔黎o既,唔係話自己/人地好唔好,而係大家夾唔夾,認識得耐...話唔定有其他睇法呢~
挫折,係可以令人成長o既..
我成長得最多o既一次係初戀分手之後..
anyway,加油啦!
|
