| |
| '`笨 蛋 袁 湘 琴 ２ 世* |
|
| °★~. 不幸 の少女 .~★'` |
|
`像１顆千里外的星光.,★〃
我們只能對望*~.
﹏+°''相信愛不會說謊,,
只是分開收藏__*��'
___ .+.,太多疑問''
知道答案又如何??？*
'°__◆`心痛比快樂更真實,.
愛為何這樣的諷刺?*
●°'`_+.,我忘了這是第幾次
１見你就無法堅持
'★`'_孤獨比擁抱更真實,.＊
愛讓人失去了理智~∼
~∼'°★ 會不會是我太自私
拒絕更寂寞的日子?
|
| MORE... | | |
| |
| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| '`﹏記 下 每 天 的 點 點 滴 滴＊ |
|
|
| `＊' Share your Comments* |
|
|
| ★:: 親 朋 蜜 友 ::★ |
|
|
| |
|
|
| |
|
|
 | |
 |
|
|
|
|
昨天去了旅行社逛逛,,,
預計4月首個旅行目的地是 ------泰國 曼谷及芭提雅。
其實泰國布吉島,, 菲律賓的宿霧及韓國也蠻吸引。
蠻想去韓國試看看那個太陽郵輪酒店,, 感覺很棒。
可惜超budget...不然真的超超超超想進去玩XD"
還看到海景的耶.....一定很爽....有機會一定要去|||
之後去了看異度見鬼,,, 好害怕=口=
好嚇人 @口@" (((其實是我膽太小-口-
看完後...小晨跟我說..我比那套電影..更恐怖 @口@
他都沒什麼被電影嚇到..反而是一直被我嚇到 =0=
想起很久以前,, 叔叔,, 媽媽跟小晨都說,,
看鬼片最恐怖的不是電影情節..而是身邊有女生囧..
| | |
 |
|
|
|
|
上官湘寧 於 2008-06-12 09:55 PM 發表：
唉，真係人情冷暖、世態炎涼
原本話約左好多人去探周嬸，點知除左小美、多多、阿甘、Chris去完之後，我約唔到人同我一齊去囉，灰晒
我打電話去約人，點知對方一句「其實我同周嬸唔係好熟」，就拒絕去啦......
小美佢地探完，佢地話周嬸會好興奮咁捉住佢地隻手唔放，係咁講野，可能佢真係一個人係醫院太悶啦，但小美話周嬸有時會興奮到語無倫次~~小美都覺得周嬸再住多陣醫院都好，起碼係醫院都有病人同佢傾偈，出左院都唔知點算，又無人理
|
|
|
上官湘寧 於 2008-06-10 12:43 AM 發表：
仔仔，我唔知你幾時會睇到我呢個留言，不過我希望你會有心理準備
還記得周嬸嗎？透過多多與小美得知，原來周嬸入院已兩個月啦，仲要係精神科，事緣前排佢麻麻去世，對佢打擊都幾大
其實周嬸中七休左學，因為身體唔好，但佢父母竟然唔俾零用錢佢，要求佢係休學期間返工賺錢養自己，我覺得好過份
近日周嬸同小美聯絡，佢地傾左好耐，但小美話周嬸o既語氣有D怪，所以大家都好擔心
周嬸一直覺得自己無事，好OK，可以出院，但醫生唔俾佢出院，言下之意即係周嬸唔OK
周嬸話好掛住我地，尤其好想見返F.1C班o既同學仔，所以大家都好努力聯絡返1C班o既同學，希望大家一齊去探佢
而家周嬸住係葵涌醫院，唔知你有無時間一齊去探佢呢？
|
網主回覆
我記得...
點解會變成咁架...唉...
佢父母..實在太衰啦...無人性!!!
其實..時間..應該有既..
只係..我覺得..應該很多人都不會想見到我吧...
所以..還是不要好了,,,
你知道的,,, 我不是個受歡迎的人..QQ
無謂..讓大家心情不好? Posted at 2008-06-11 09:22 PM [ 編輯 ] [ 刪除 ] |
|
|
上官湘寧 於 2008-06-07 01:23 AM 發表：
傍晚，與哥哥運動完後，到美林新開張的甜品店買外賣。
在我之前，有兩位女學生，其中一人點了一客熱「蓮子百合紅豆沙」外賣，而我則點了一客「芒果涼粉」外賣。本來一切很正常，但等呀等、等呀等，一分鐘又一分鐘，結果已等了十五分鐘，我要的外賣仍未到我手，我心想：「怎麼搞的？不就是把涼粉和芒果從你的雪櫃中倒進外賣的碗內就成了嗎？」原以為「芒果涼粉」比較複雜，可能要等耐一點，但紅豆沙應該不用等了吧，只是把紅豆沙倒出來就是了，可能人家點的是熱紅豆沙，那麼把它拿去微波爐叮一叮就行了，怎麼叮十五分鐘還未成事？紅豆沙早已叮焦了！奈何已付錢，唯有繼續等下去。然後來了一位男客人，他點了一客「什果涼粉」堂食。
左等等，右等等，終於見到「芒果涼粉」拿出來，豈料廚房竟拿了一份堂食出來，他搞錯了！只見美女侍應慌慌張張向廚房表明是外賣，本以為不用等太耐，我並不介意廚房把堂食那份直接倒進外賣的碗內，反正就是「撈」著來吃嘛。接著，令人氣憤的事發生了，廚房把那份弄錯了的「芒果涼粉」堂食上的芒果拿走，然後放上什果，成了「什果涼粉」，所以最遲來到的那位男客人竟然是最早有得吃，令我和兩位女學生恨得牙癢癢。
之後繼續是沉默的等待，我足足等了二十五分鐘才拿到我的外賣，等到我發霉，差點睡著了，我的臉色當然好不到去哪兒，那兩位女學生也嘴蔑蔑。沒有下一次了，我不會再去光顧這間慢到令人無mood的甜品店，比起甜藝館的速度，這間店遜多了。
其實哥哥在店外等待著，他說如果再遲兩分鐘，他會進店內問「做乜買咁耐呀？D芒果仲種緊呀？」雖然是寸，但寸得有理嘛！
|
網主回覆
而家d服務態度真係...
有時我都遇到..唔係真係唔想俾時間佢地做野
而係d人真的會太過份~"~
不過算啦~~以後唔好再去嚕 哈 Posted at 2008-06-11 09:27 PM [ 編輯 ] [ 刪除 ] |
|
|
上官湘寧 於 2008-05-29 02:26 AM 發表：
經過昨天的和平，滿心以為這天也能輕輕鬆鬆地過，可惜今天卻是惡夢的開始。
今天一進門，auntie就問我與阿迷是否很friend，因為她有意請我做補習老師。其一是我住得近，十分方便；其二是她認為阿迷太文靜，少說話，不夠主動，令小男生不敢主動問問題，以致溝通上出現問題；其三是由阿迷接手補習後，小男生兩次英文默書都是零分，auntie覺得十分嚴重；其四是auntie覺得我樂觀、主動，與小男生好像溝通得很好。有一件事要澄清，小男生其中一次英文默書零分，是因為他講大話，騙阿迷不用默書。
坦白說，對於auntie的提議，有一刻我是心動的。高考已經完結剛好一個月了，而我尚未找到工作，賦閒在家，坐吃山空，我內心絕對是急於找工作的。另一方面，我對教育充滿熱誠和憧憬，我都頗喜歡補習的工作，所以auntie的提議實在很吸引。而auntie亦幫我鋪後路，由她出面向阿迷講，以免我們兩人沒有朋友做。
可是，經過今天的補習後，我完全不想接手這份補習，來吧，惡夢開始了。
今日補習一小時，小男生玩了四十五分鐘，他耍了我足足九個字，他哄我買禮物給他。其實阿迷交託了禮物給我，她稱小男生不太乖，所以要「利誘」，我覺得實在做壞了規矩，哪有補習老師貼錢買禮物返工？可能有時學生考試、測驗、默書成績有進步，又或者我已經同學生好熟，又或者在某些節日、學生生日等，偶爾送送禮物也就無所謂，但這個小男生竟然要求日日送，因為「以前個miss日日送」，他仲哄我要買「見面禮」。最厲害的是，小男生竟然要跟我定下「友好協定」，即是如果我送禮物給他的話，他在補習期間就會「乖乖地」、「唔玩、唔嘈」，但我說：「唔玩、唔嘈係應該架」，佢話：「唔係架，如果你唔送禮物俾我，我就會玩、會嘈，以前個miss都有同我定下呢個友好協定」，我無言。
最經典的是今日的英文作業他一題都不懂做，那麼我就逐句逐句問他，當中有一個字不懂解釋，於是我叫他查字典，但他竟然說：「乜咁煩架，以前個miss拎部野出離o禁o禁下(應該是電子辭典)，之後就會話我知點解」於是我就解釋，要自己查過字典印象先會深刻，誰知小男生「兇」我，說：「阿媽話有乜唔識就問miss架」。唉，現在的小朋友認為補習是由補習老師講出答案，那麼與抄答案有任何分別？
我不怕學生蠢，也不怕學生每事問，但我最怕學生無心向學，上堂不專心。雖然auntie話可以打、可以罵，但哪有阿媽見自己的小朋友讓人罵會高興呢？唉，在補習時間內，小男生盡是在玩，拖時間，我也不好意思收人家的錢。
auntie在房內開了冷氣，如此舒服、寧靜的補習環境，小男生竟然不懂珍惜，實在浪費阿媽的一番心血。反正是關上房門補習，其實我可以與小男生談無關痛養的事，但我這樣做，我問心有愧啊！
|
網主回覆
而家d細路係咁啦..
寵壞哂...
以前我地俾阿爸阿媽打...都唔會點..
而家..打佢一巴..都可能被告虐兒啦...
寵壞哂..寵壞哂..
無架嚕~~~~
諗諗下~~都係唔好生仔好= = Posted at 2008-06-11 09:31 PM [ 編輯 ] [ 刪除 ] |
|
|
上官湘寧 於 2008-05-29 02:26 AM 發表：
由於阿迷要去camp，所以叫我頂替她補習數天，幸好那家人住在我家隔鄰的大廈，十分方便，而對象是小學三年級的男生，反正每天也無所事事，也就答應了。
今日與阿迷一起去補習，當是見識也好，當是學習如何補習也好，當是交接工作也好，總之就是讓我大開眼界。那名小男生十分活躍，一小時內幾乎沒有靜下來超過三分鐘，而且做事三心兩意，前一分鐘想默書，下一分鐘就推卻要做練習，東西推來推去，結果沒有一件事做得成，時間卻不知不覺地逝去。
小男生的英文很差，近日學習past tense，他卻把was were的用法全部調轉了。另外，他又不喜歡做英文閱讀理解，整篇閱讀理解沒有看過就胡亂填一通，而且問答不懂解，自然不懂做。
我本來以為補習是一件很困難的事，但現在卻打消了這個「以為」，因為我是在爸爸的藤條底下長大，小學時的功課由爸爸拿著藤條督促，答錯了就打，英文沒有查字典就亂答一通，又打，數學沒有列式，照打，連宗教這一科令人輕視的科目，如果我沒有溫熟內容，一樣捱打。就在爸爸的藤條之下，我小學時的成績永遠名列前茅，小學三年級時曾創下連續三次考第一的佳績，現在回想起，也絕對值我我引以為傲。
我不知道阿爸的教法是對是錯，但今天回想起，我絕對要多謝阿爸，而且我也百分之百相信「No Pain No Gain」的道理，沒有付出，就永遠沒有回報。雖然上到中學，溫習的多寡與成績的優劣並不是成正比，但我深信，在小學時期，溫習的多寡與成績的優劣並是絕對成正比的。
今日看過阿迷的補習方法，還真的有點「hea」的感覺，我不敢批評阿迷的補習方法是否過於寬鬆，但我有預感這名男生的成績不會有太大的進步。現在科技發達，查字典是被人視之為落後，每個學生的家裡一定有本「快易通」之類的電腦辭典，以致今日這名男生在查英文書中的動詞表時，c字頭的字竟然在s的部份向後查，我絕對相信這是男生是現今科技下的犧牲品。科技是為了令人類的生活更加方便、快捷，但我深信學習必須用最古老的方法，要自己真正查過、學過、讀過，印象才會深刻。
|
|
|
上官湘寧 於 2008-05-26 11:41 PM 發表：
阿So一直稱呼時下o既細路做「死小孩」，我終於知道點解
我有fd做補習，佢呢幾日會去Camp，叫我頂佢幾日，今日我就跟佢一齊上去補，跟返d進度之類o既野，哇，個條死o靚仔，真係俾佢激到嘔血.....
|
|
|
上官湘寧 於 2008-05-20 12:30 AM 發表：
中五個年讀完《我和我的唐山》覺得好震撼，但今次四川大地震比起當年o既唐山大地震更嚴重，每次睇報紙又或者新聞報導，我都忍唔住眼濕濕，真係太慘啦.......
今日睇報紙，話有某名中一學生係自己網上日誌打出超無人性o既野，唔知你有無睇？報紙登左原文，大概話呢個學生對於今次四川大地震無任何感覺，當學校播片段o既時候，佢竟然笑，仲為自己無「隨波逐流」地跟人「盲目」捐錢而沾沾自喜，又講「都死左咁多個，唔差在死多五千個」，我睇完「O」左嘴，點解呢個世界上會有如此冷血o既人
|
網主回覆
的確..而家好似上緊１課真實的 "我和我的唐山"
果篇新聞,, 我有留意
不過冇睇過原文,,
好像是說..話與其去救死人..不如去救熊貓吧?
不過睇返新聞,, 事後個女仔都捐左$500
的確,, 果個學生好冷血,,
但其實那是因為...
大家都生處係香港...實在沒有那種危機感
根本不可能體會到四川實地的情況
係香港出生...其實都係１件幾幸福既事。
每當看完每１篇新聞…
睇見d 搶救人員幾努力..幾辛苦去救被壓住既人民...
聽住d...母護嬰..老師救學生 可是都死了既新聞
心裡真係不好受QQ
人命真的很脆弱
那個女生說,, 死多D人仲好..咁醫院都無咁迫...
說真的..這是１句很自私的說話
由佢果篇BLOG 可看出...佢係個自私..無同情心..亦很冷血既女生QQ
ANYWAY~~我們不要管那學生有多冷血
我們應該為那些還在瓦礫下既生還者祈禱
祈禱他們能繼續撐下去直至獲救
亦祈禱救護人員能盡量 '救多1條 得1條(人命)" Posted at 2008-05-20 09:24 AM [ 編輯 ] [ 刪除 ] |
|
|
上官湘寧 於 2008-05-10 09:04 PM 發表：
哇，尋日睇報紙，LSCC一名姓周女校工，因在校內工作時疑因犯錯而遭校方責備，企圖跳樓
呢名周姓女校工係邊個呢？你識唔識？
|
網主回覆
我唔識呢....我都唔太知d 校工既名=0=
但係好誇張..被校方責備就企圖跳樓????
而家d人真係好睇唔開....~_~ Posted at 2008-05-12 09:29 AM [ 編輯 ] [ 刪除 ] |
|
|
上官湘寧 於 2008-05-09 09:28 PM 發表：
今日去左in 7-11兼職店務員，那個in我o既女經理好好人，佢仲好似幾like我添，我估可以返工o既機會都好高
不過我仍然好想做功課輔導班導師
|
網主回覆
咁咪做住先 直到你搵到功課輔導班導師為止ccc Posted at 2008-05-12 09:26 AM [ 編輯 ] [ 刪除 ] |
|
|
上官湘寧 於 2008-05-09 09:26 PM 發表：
仔仔，你呢份工係咪逢星期六、日都放假架？定係點？
|
網主回覆
YA,, 呢份係5天工作週,,
放紅假
Posted at 2008-05-12 09:24 AM [ 編輯 ] [ 刪除 ] |
|
