今日好早~好早就起咗身,因為我要去濕~地~公~園丫嘛,一早就換33,真係慘 -_-好~涷~ar,8:30就返到華基,一返到去,就見到李惠芳含情默默咁望住『唔開心』其實佢嘅名係叫吳凱燊,坐咗一陣,就出發lu,我哋四個人坐三個位,包括:美蓮姐姐、曉彤姐姐、李惠芳&本人,超逼ar,不過,難得咁齊人,逼少少冇所謂la(^0^),好快就到lu,一去到,我哋首先睇電影,幾好睇丫~跟住就去睇貝貝,but淨係見到佢個頭(失望+_+)睇完就去觀鳥,之後又去觀鳥,觀完鳥再去觀鳥…….最後我悟出一個道理,就係:濕地公園最多嘅係觀鳥屋(無奈=o=) 之後,我發現咗一樣嘢,就係李惠芳冧吳凱燊,而吳凱燊又鍾意李惠芳(不可思議*o*)本來係一件好事,但係又覺得佢哋唔係幾襯,第一:高度問題；第二:性格問題；第三: 我覺得吳凱燊會鍾意一啲好似美蓮姐姐咁嘅人,不過,我都祝福佢哋 la(~w~)好快就返到華基,之後就散場喇,跟住就同美蓮姐姐一齊去我屋企,因為美蓮姐姐、朱婷婷姐姐、吳凱喬姐姐、我家姐&在下一齊去聖~誕~歡~樂~小~鎮玩丫嘛,去到中環聖誕歡樂小鎮嗰度,己經有一天班人喺度排隊,恐怖嘅係,我哋竟然連龍尾都見唔到,搵咗好耐先搵到,跟住排咗差唔多1個鐘,終於入到去la,入到去,又排隊,今次係同聖誕老人影相,之後,就攞願望卡寫願望,我嘅願望係......唔講得, 講咗就唔靈(@o@),家姐佢哋就狂寫希望布廠唔好殺校、布廠重建順利.......真係冇佢哋辦法(=╭╮=)跟住就走喇!!!