此刻大家來到時...一條生命已經離開左人世間...

不論各位是否認識他本人...我在此都多謝各位善意的留言...

人o既生命真係好短暫...希望各位真係好好珍惜自己身邊一切既人同事...

我之前都覺得呢d事無可能會發生係我屋企入面...

但呢個世界就係咁...你永遠無可能知道下一刻、下一天或者以後既事~

好多好多野~唔應該發生既都發生左~而家我同我屋企可以做d咩?

剩低可能只有接受現實...(雖然我到呢一刻都唔覺得我細佬離開左我...)

我幾咁希望琴日所發生既所有事只係一埸夢...

今日我瞓醒啦~細佬仍然會叫我起身返工...返到屋企可以同佢一齊打下機、睇下波吹下水......

...................

但係,我細佬真係一時睇唔開就咁結束左自己既生命....

一切都太突然,所以野都黎得太快....

睇住阿爸阿媽係咁喊~我經常都會走埋一二角自己係到喊~

但我明白而家係自己最需要堅強既時候... 睇到各位既留言

我真係認唔住喊左出黎...其實細佬都有好多好好既朋友仔同埋同學仔

點都好...不論各位係由我細佬離開左先知道失去左一條生命、一個朋友、一個同學既心情原來係咁難受...

先會黎留言或者獨自慨嘆都好...我希望各位會因為我細佬呢件事...

好好珍惜自己身邊既一切、反省自己對人既態度...

我唔會追究我細佬係學校受到d咩待遇、什麼比同學朋友排斥等等~

人已經死左~追究黎都無用~!!我只希望我細佬既事唔好再發生係任何人身上...

最後再次多謝各方好友關心我細佬同埋我屋企人 ... Thank you!!

願細佬去到另外一個世界會開開心心... 我地成家人會永永遠遠懷念你~你既聲音任何時候都會係我地心入面~!!

                                                                                                                    大哥、二哥 上