唉~放學係1A留堂真係悶到爆...得本IS作業要做...我之前又做左一本,搞到無野做...好彩一早係樓下買左包彩虹爆上黎慢慢食,唔係實死...食完剩返十幾分鍾唔知做咩,拉後凳枱到角位處自閉...

  留完去小息部個邊流連下...高b一見到之前係上周會個F.1,就係緊叫佢未來特首(因為之前個周會宣傳學生會GE二人對話中佢有一句對白話想做未來特首...)

  諗住去B場睇下女排點練波(真係純粹想咁),點知就見到ANDY同一個FD係度打籃球...望住個籃球,又唔經意咁射左幾球波,雖然之前我話放棄籃球,但係射一、兩球都OK呱...

  ANDY原來係度等人(GF個隻)...話佢條女係1A留堂,知而家5點,佢就上左去搵...但係我都落左黎5分幾鍾,係人都走啦~所以,ANDY就拉我陪佢搭273A走...

  走去石湖墟買下...係衛訊門口撞到重豹同傻超佢地....重豹叫我小心D,話海禧個處好多鬼,話留心唔好俾鬼逗...

  買左本SOCCER WAVE返黎睇...一路睇一路行之際,行到太平條橋就撞到廖杰同廖家豪...佢地話去彩園OK買野飲,所以就陪埋佢地去...之後就各自歸家嚕~