不知不覺已經三月十七號...雖然我知妳地好憎我,但係我都係想同曾焯蓉妳講聲:「生日快樂。」唔敢親口同你講,所以剩係敢係度up-口-
諗住抄十次《破陣子》可以成功偷雞,點知都係失敗,午膳狂抄返十次...
IS堂,只有一個字可言...悶!成堂都係對住十條左右GE問題同一個表格寫返火箭升空至登陸月球後返回地球D野,兩堂都係肥標係電腦CHECK野,我地做野,真係悶到嘔,但係可以暢所欲言咁同傑傾計,肥標又遠得濟聽唔到
午膳明明12點55分先要落到去,但係大家都48-49分就走哂...使唔使咁早??上返黎即刻俾人串...我知我講野係有問題,由細到大都係咁,但係區曉然同郭婷婷佢地兩個講d野真係feel到好似串緊我咁...細個小學時俾人串得太多,所以而家都唔多敢笑人地天生有問ge野...好似肥麟咁,我都唔多會笑/玩佢,因為見到佢,我好似見到小學ge自己...由細到大,人際開係都無咩點變過,都係咁lonely,講野呢一環係我成日唔敢主動同人傾計ge原因!!
TE又係勁無聊,成兩堂對住部電腦自己搞自己個積木人...完全唔識做+唔想做,所以成日趁孫SIR未行到黎即刻上網睇野...Nuggets嬴Sonics 168:106 平均兩節拎84分,又無加時,八人上雙,勁!火箭連湖人都抽得嬴,22連勝 勁X22俾你 睇完NBA之後上自己個BLOG睇下有咩人黎過...平均每日都唔好多人,唔計我自己,得一至兩個-口-其實我都唔多期望有人會上黎,但係我都係會繼續寫,你有你閱讀,我有我單獨!
今日剩留一粒鍾,正!夜曲響之前1分鍾就走得人,快!生到條隧道個時見到譚皓程,扮唔識我??行到太平7仔又同我SAY HI-口-你係隧道明明係我後面行,仲要排埋我頭,但就係7仔先好似見到我咁= =自從升左f.2,舊時1E個d好似都逐漸疏離左我...可能我唔係2c呱~又或者我真係好犯眾憎呱~總之可能性有好多,但係真唔真,我就唔知啦~不過我真係剩知我而家成日有來往傾下計ge,只有傑一個,楊皓晴、曾焯蓉班女仔、蔥頭、迪爺、徐偉杰、許智恒...所有係1E都叫ok好ge同學/朋友,而家係走廊見到直行直過,而唔知點解我亦feel到成日俾人怒睥咁...心理作用嗎?不知道了~我自知,路走了,回不了過去...
|
