今日係合興食緊野個時本來魚麟打過黎,話張廣好返,仲問我去唔去沙田探佢...但係十幾分鍾之後佢又同我講,張廣阿媽唔俾我地去,話咩驚受感染...

  無得去探張廣,就係石場打陣波先...點解無聊時射下波就十射七-八中,同肥承玩三分OUT時就一d手感都無...輸埋支野飲,掙住先...

  玩到唔知時候,原來已經1點50分...即刻飛的返學校練波,驚遲到...

  點知去到2分10分,謝PAK陽都唔係度...真係有早知就無乞兒...

  我真係對排球隊愈黎愈無感覺...我真係好想好似肥承咁講:「同謝PAK陽講退隊啦!!」真係好似我二哥個份M記經理工作紙第一條問題咁:「員工為何會想離開公司?」答案:「因為得不到尊重。」

  打到四點我真係無咩癮,自己粒聲唔出就搭278x走人算...又同肥承玩三分OUT...好彩今時嬴返,仲要我T人無時絕地返生...原來真係要射耐左先會有手感!!今鑊輸就連埋1點幾個時支野飲2支,但係嬴就抵返...真係好彩...希望肥承真係無讓我啦...唔知點解我覺得肥承好似有D讓我咁GE...??

  打波打到6點幾就走人...爛gag王係我-口-

  諗住做埋份通識功課,點知大佬又話玩完美世界online...唉~搞到我要去激戰做...但係偏偏我問魚麟借個隻microsoft安裝碟擺唔到入激戰部3號機度(因為個掣壞左,我又廢事轉機)...所以我就索性唔做,希望自己記錯時間交啦~都係msn問返通識科長穩震d...唉!!點解玩唔到NBA Live08架!?唉~唔打機,打返呢個blog算嚕~

  朝早係太平條隧道返學個時撞到香沛棠同陳瑋楠,仲見到2B女班長+好似叫Rainbow ge女仔同阿旺一齊行...被陳瑋楠係後面用手機錄左係條樓梯到馬路個時,佢地一齊行ge狀況...

  7點9返到學校幫ms cheung拎野飲...經過個1樓老師個休息室個陣,見到有疊soccer wave係枱面...頭個板仲要係上期---魯爾做封面=.=咁out架!!出左新一期好耐啦(其實only出左一日)!!伊巴同告魯斯做封面添...我之前仲意為d野飲好重添,原來只係十樽野飲...仲講,唔係帶埋個袋黎一次裝哂,一個人夠拎!!都唔駛沛棠哥同奸仔楠幫我拎...之後拎完就圍埋鋤dee...

  聯歡會勁悶~~陳瑋楠佢地好似唔多妥CUPID咁...d野食仲係唔多好食...同上年一樣,靜靜咁係出面一個人靜下後,被人拉返入黎,再望住窗口發呆...到底自己個心諗緊咩,朝三暮四,我自己都唔知應該點做好...抽禮物個時真係撞鬼...我先唔要個迪士尼杯...同翁bee敦換個XO簿仔仲好,而且我都幾鍾意XO...唉~垃圾就我執...好燥...行出去仲要被個李康傑整...真係一拳打落去...不過無咩點用力+拳頭係冷衫內,佢應該唔會好痛,可能唔痛...sor陳學健~練歌又係好悶...無啦啦話咩加咩動作,又唔俾著冷衫...垃圾我一個拾已經夠,仲要又呢樣又個樣...我真係忍撚夠啦!!屌!!不過...10支野飲多左一支出黎...一支2公升ge百事可樂,正!!今晚同阿哥分黎飲...

  唉~3E班女仔好嘈丫!!我明佢地點解咁雀躍,但係我耳膜就黎俾你地震爆啦~大鑊...唔記得做動作...不過好彩有鄒孚陪我,一齊唔記得左...大家都叫子健,真係咁岩得咁橋...返埋位之後,陳學健佢地係度狂玩野...係緊掂前面d女仔...咁岩撞正我前面個個係林振成,陳學健問我夠唔夠薑...顛架!!我有十條命都唔夠賠丫~練膽量??我諗呢個唔多適合wo~

  放左學,成班人走哂,無人叫/陪我一齊食飯,我係田家炳無個朋友...算啦~一路聽【討人喜歡】一路返屋企...返到去即煮包公仔麵(出前一丁),食完再去完廁所就訓教~yeah~now寬頻部野整返好...可以聽聲啦!!原來壞零件...一分鍾都唔駛,換舊野搞掂...

  一教訓醒就要開飯...食完飯又無野做,同zero係度望住大佬打devil may cry...睇睇下就幾粒鍾...睇打機都可以睇咁耐,我地都可以話係第一個...