今日七七蘆溝橋事變...我都唔知添...我係睇返yahoo「熱門」個度有七七事變個處先記得...唔怪得上水火車站往上水中心條橋有「日本仔侵華」d屎忽鬼ge野啦...原來如此~
九點話到區場同丹丹打波...點知九點我仲係屋企...搞到要丹丹親自上我屋企搵我,真係有d唔好意思添...sor丫!丹丹~
打到十點左右,丹丹話想去食早餐...咁我地就去左特適食野...因為我無錢,所以我無買到野...但係丹丹都好好人,請我食左一舊芝士蛋治+半杯阿華田...之後食完野又返區場打...丹丹又請我飲半杯綠力(芒果),真係欠左丹丹唔少人情...第時有機會真係要還~
打完之後,丹丹同我都叫「累丫~」所以我地兩個就匿左入龍琛路體育館更衣室入面休息一回...之後肥幫打電話黎叫我去石場,而丹丹就話想返屋企(因為實在太熱),所以我地行到上水廣場地下直往石場條巷仔度say掰掰...
去到石場,肥幫話要同佢個fd去賣左部電話去...但係因為部機係d大陸貨,而且個牌子又係大陸...所以石湖墟都無咩舖頭肯收...後未肥幫個fd放棄左...so就去左大利食野...唉~又掙肥幫半碟煙肉牛排飯+半罐可樂($21/2=$10.5)添...
同肥幫打左陣波...我都係時候返學校練排球嚕!走個時,肥承打過黎肥幫話佢出黎打波...咩黃翠珊唔係話肥承北上咩?點解會係度架!?係黃翠珊玩野定肥承早返...真係唔知...返屋企沖完涼再去先~
係學校練波...又係「俾謝PAK陽屈機」ge time~要阿j、張昊朗、阿標三人扣出一百球(唔俾out同落網波)....本來唔俾out同落網已經難...到左七十球,謝pak陽又將波特登拋歪d俾鄧子晞set...雖然我知謝pak陽係好意,但係的確係有點煩的...我地拾波都拾得好辛苦架~到左九十球,謝pak陽就增加難度,要真係打落去,唔比帖過去...到左九十一球,阿標又係度講笑,成村人跟住佢笑,搞到鄧子晞set波都無人接...謝pak就將九十一球降到八十六球...到左九十九球,又唔知搞咩,做成二十球左右都未ko...不過最後都係ko左~講起黎,鄧子晞set足幾百球,累透了吧? |
