今日考中卷二同英作...中難到飛起,英作就唔識英文,亂寫一通搏夠字...
諗住今日同徐偉杰佢地去食野...點知同廖杰兩個跟佢地時,見唔返佢地...去嘉福又見唔到佢地,就返左去屋企換3打波...
係太平條橋等完肥幫同廖杰...諗住去食野先,肥幫就話要搵士頭婆...點知520無開到,剩係見到士頭婆個仔---「雕」兄...後來肥幫就係「雕」兄請客下,去左旺仔記食野,我就要自己俾=.=
食完野,就去左區場打波...打打下,個鄒梓峰經過,打左陣就走...後來肥幫個fd又黎...射左陣波,我對人字拖無啦啦爛一隻,我點著呀?就係咁,我就無著住鞋係度打波,而亦因為太熱,我興到連3都除埋...之後肥幫同我講話想入去場內跑步...佢話跑5個圈,如果邊個無氣停低先叫輸,跑哂全程就叫打和....點知跑左一個圈,肥幫就話唔知邊忽痛(舊患黎),走返出去打波...我玩到3個圈個時,居然見到蕭浩文...跑到第四圈個時,右肩開始有點痛...跑完,簫浩文又無啦啦彈左出黎,問我打唔打排球...我話我要陪fd打籃球,唔打嚕...出到黎,f.2e個四眼肥仔都黎左...最後連肥幫師父都黎左...3on3,我獨食一面又出黎啦...俾人小添-口-
打到5點,就去左520搵士頭婆...原來士頭婆之前係去左攞貨先無開門...見到有幾隻龜仔,又醒起聽日李素秋生日,就買左一隻大ge...後未廖杰話點解我對李素秋咁好,狂數佢衰野,肥幫聽到直頭叫我唔好買俾佢...但係人地生日我唔送野俾人實在唔係咁俾面,所以就索性轉買細隻d俾佢...大個隻就送左俾廖杰...望望下,自己又想要,但係又唔夠錢,就問士頭婆借住$7先買返隻大俾自己...廖杰突然之間同肥幫講欠了他$4.5-口-士頭婆就好心,送左隻細龜俾廖杰,叫佢唔好再追肥幫錢@~@睇睇下野,有個女仔帶住四隻倉鼠一路抽獎一路同士頭婆傾計...肥幫同我講返佢6.28生日,不過其實我好早就知,係佢重提驚我無送禮俾佢姐...個女仔聽到肥幫6.28,就又突然搭訕...原來個女仔都係6.28~同肥幫一樣,仲要身型一樣先搞笑呀ma!!傾傾下計,又唔知幾時殺出兩個妹妹仔出黎...個女仔唔知係唔係識佢地兩個,問個女仔覺得我同廖杰+肥幫邊三個令仔...兩個妹妹仔都話肥幫-口-咁又係...雖然肥幫係肥,但係個樣都唔錯,而且運動好勁...我問肥幫我自己個樣點,肥幫就話其實我個樣唔係太樣衰姐...ok ge...諗住歸家去,肥幫就話想繼續打,我同廖杰就無咁好體力,去左石湖m記食野...雖然我無錢,但係好彩多得阿哥送我幾張禮劵同張no$食細薯條+巨無霸ge卡仔,我先可以no$咁食魚柳飽餐同細薯條...買個時,諗住想拎飲管,哪知原來今day係無飲管日,無飲管拎...不過都好ge,環保d....
返到屋企開msn,yung就hi我,原來係問我有無溫書,無啦啦變左係度傾計...不過發問者此終係我=.=我問佢聽日李素秋生日,會點...佢就話好似好憎李素秋咁...我話買左隻細龜俾李素秋,佢就罵我pk...話點解佢3.17生日個時一d表示都無,話盲 算我而家族返俾佢都無用,成3個月...因為個時我無錢呀ma~!佢就話送野俾人係講心唔講金...估唔到佢都知咩叫心...我仲意為佢係個d物質主義ge女仔添...佢話下次送禮俾佢至少要500...雖然我知佢講笑,但係我實在有負於佢,反正個時新年後期,而家儲錢+新年d錢,應該都足夠ge...後來,見到方彥婷上線,問佢知唔知6.16咩日子,原來佢唔知個日係廖杰生日...我同佢講返,佢話知又點,都無計同廖杰講生日快樂...所以就託我個日記得幫佢講埋.... |
