呵...咁難得今日部腦回光反照開到機,

第一件事除咗同一個傻瓜傾計之外仲要寫日記...

最近都懶咗..有時間都唔想寫..

所以今次要將咁多日以黎既所粹事記返底先,

首先係畢業禮彩牌嗰日,原本就date咗肥james同榮哥去唱k.

點知佢地無空喔...咁啱朱may又叫我去唱k喔...

啱晒,啱啱比人放飛機,家下就俾人約返,嘻...

之後放咗人之後就同朱may,money,lulu,芷凝,乃雲,湯澤峰....

去到neway....

雖然本小姐唱功麻麻,但講到走音都唔係成日有既事,

但無奈嗰日就狂走音,一定系學咗乃雲....激氣(賴得就賴,笑...)

之後就各散東西lu....我就第一個返屋企,因為唔想同佢地行街街....

大家睇既嘢一定唔啱k既...

之後嗰幾日諗住俾心機去搵工,

因為上一次份工俾人屈,忍受唔住就炒咗老板油魚囉...

記得一次千里迢迢去到銅夢灣搵工....

諗返都有d後悔....應該預知到無可能會請咖嘛....

浪費咗車錢..時間加一張我既靚靚照...

再搵咗兩份工..一d收獲都無...(哭...)

之後朱may就通知我報暨南...

急急腳去咗中旅舍報咗名...

希望傻瓜光仔會考到廣州既大學,

哈......到時我就可以日夜虐待距喇...(笑)

但前提係希望屋企人準許我返大陸讀書喇.....

我會一定一定會好比好比心機讀咖!!

琴日係佛誕...

我見電腦唔得咗兩日好悶咖嘛....

去圖書館(幾乖..笑..)解悶...

好借唔借..

借咗本鬼書....

最可惡既系本書度寫住,

一對年老夫婦住係一棟唐樓度....

老婆婆身體唔好,老公公年老都要搵錢養家,

某日老婆婆為咗等老公公放工,一個人落樓,

點知落到一半嗰陣線親,跌咗落黎,

老公公返到黎嗰陣先發現老婆婆用痛苦既表情喺度呻吟....

老婆婆被送入医院,

但證實佢對腳已經不治,

之後嗰幾日老婆婆因為日日都要屈住喺間屋度無得運動..

最終都系死了....

据說聽完呢個故事之後,

如果訓覺唔用被子盖住對腳一個禮拜...

咁嗰個老婆婆就會用痛苦既表情出現喺你無用被子盖住既一對腳..

然後....你就會因為意外死去....

有兩個女生聽完呢個故事之後都因為心理作用而盖住對腳一個星期..

而有一個女仔就因為無盖而因為意外被貨車輾過雙腳,

最後都因失血過多而死去...

信不信由你,但不防話你知,令可信其有,不可信其無!!

睇完呢d之後我........

無奈...嚇到我琴晚成晚無覺好訓..

一般我喺三點鐘到就可以入睡,

無琴晚我係見到四點半個天開始光嗰陣我先可以安心訓入眼....

而且我梗係覺得我唔盖住對腳嗰陣更係訓唔著,

但盖咗之後我又因為熱訓唔著..

好可憐啊我..

最終我都係成晚無訓...

所以我好後悔借 咗呢本咀咒人既書..

我唔會再睇咖喇......

嗚......好大對熊貓眼啊.....