"無論我地班畢唔畢到業都好,要記住,我地五丙班永遠都係三十二加一"阿sir最後同我地講果一句話...

我聽左之後有一陣莫明既感動!!

好想喊....但強忍咗...

我真係好鍾意好鍾意呢個班,

但我知我要離開呢個班嗰陣,我感覺真係好.........

我好開心我可以成為五丙班既一份子...

如果唔係我轉咗過去嗰一班,

可能今日阿sir所講既係三十一加一....

我聽到三十二加一嗰陣,

我好開心阿sir承認我係呢一個班,

雖然一直以黎同同學相處既時間都只係短短一年都唔夠時間..

感情未太過深入,

但我知道,每一個同學仔都好好...

好識為班設想...

唔會有歧視,,唔會有妒忌..唔會有憎恨...

同學之間都透住一份友情...

但係...呢份友情維持既時間好短,我知道我地都要分開喇....

我最唔捨得既係肥豬同肥溫琪,

佢地兩個曾經幫我走出過一個好黑暗好黑暗既環境,

令到我唔再感覺到寂寞,

唔會擔心無朋友,

唔會擔心吃飯無人陪....

我真係好鍾意好鍾意佢地兩個,

但又要分開,

肥豬成績咁好,一定可以直升,

肥溫琪已經報左專科...

我呢?我無可能同肥豬一樣喺原校升中六...

而且我屋企人無可能贊成我讀專科,

我升唔到中六我點算好?重讀?穩學校梗硬升?

後路我真係無諗過....

屋企人都無同我講過呢個問題,

距地都一直認為我一定要讀中六...

佢地明明無俾到壓力我,但我卻有一種無形既壓力強逼自己....

明明需要俾心機既時刻,但我依然係咁兩頭唔到岸,

係有溫書,但溫到一半..再隔兩三日先再繼續溫,

嗰陣時先知道,我之前果d己經忘記咗喇!!!

最恐怖既莫過於派成績單嗰日,

阿sir話有幾個升唔到,

我真係好驚有自己份,

好擔心,擔心到手心狂出汗,

差唔多到自己嗰陣,

無咗肥溫琪既我好無助咁望左一眼肥豬,

佢好似都一樣擔心...

最後拿到成績單...只得附加數唔pass....

嗰一刻,我真係想放聲大叫,

我唔知係開心定係終於可以放下心頭大石,

總之我就走左去肥豬身邊,

又開心又想喊咁攬咗佢一下,

佢明明派左成績單但個樣都透露出一份擔憂,

佢話:"點啊?俾我睇下"

當距睇完之後都好似放下心頭大石咁話:"嚇死我喇,頭先見到你咁既樣仲以為你畢唔到業啊!!"..

嗰一刻我先知肥豬臉上既擔憂係因為我....

我超感動啊!!再次攬左佢一下...好想同肥豬講多謝,

但喺嗰陣,我只知道感動,根本就唔知我可以up乜野!!!