我覺得今日過得勁好呀~

我今朝一早就起左床,準備整飲盒返學校~

一邊整一邊喺度諗:肥珠同肥winky一邊吃一邊喺度話好味既情境~

之后就算返學遲到都依然咁開心同朱妹一直傾到返學校~

仲笑住咁既款去面對遲到,唉..我兩條友唔死都無用咖喇~(笑)

之後同翻版fenky傾左幾句話...(爆笑)

最後落到去自修室~我攞左部相機出黎同咁多位無修經濟既同學仔喺度影相~

勁開心~好似同佢地既距離又拉近左咁~

到中午吃飯果陣~我期待既情境..(嘆氣!)

肥珠話:"肉丁啊肉丁,好彩有你撐住喳,如果唔係以'肥'恩宜既橱艺...."

距未講完我已經上前扑埋去打佢~好可惡既豬啊~

吃完野後,我地喺度狂傾計~感覺超幸福啊~

雖然無乜點傾少女心事~但我地喺度講會考完左之後去邊玩去邊玩~

當人地喺度幻想緊呢個美麗画面既時候~

肥溫琪話:"唉,到時去唔去到都未知"

我既美麗幻想俾距幻滅咗喇~!

有史以黎我覺得肥珠講得最啱既一句說話:"人地吹下水唔得啊"(有同感)

所以今日過得真係好好~諗返下~我好似好耐無試過好似三個女仔圍埋一齊傾計咁~

有一種以前同林菲同soso傾心事嗰時嗰種感覺~好開心~好幸福~無煩腦~

而且我覺得自己唔再感覺到孤獨~

丁班既老陽陽,聰聰同我地好好傾,而且都好搞笑~

反而唔同班之後,同高進有講嘢~

仲有乙班既豪同婷...

而丙班既所有人都對我越黎越好~唔再覺得丙班陌生~

好似廷鋒,埃及,james,望,月琪....等等既人都同我開始熟絡~

喺呢個班,我終於償試到開心幸福既感覺喇~呢種感覺係由黎香港咁耐以黎從未試過既感覺~

老師都有留意我~我都大膽開始將我心入面既答案講出黎~

唔再驚~

總之勁開心~

有一種後悔點解當初中四果陣唔選擇去丙班?

害我白白錯過左一年既幸福感覺~

幸好今年轉到班~講起上黎都仲要多謝佢...

如果唔係佢我唔會選擇掉班.

最後就同cherry去左行尖咀喇~

好多野買好多野行啊~

d衫勁靚~但望望個價錢,一件間條t-shirt~$599(殺your奶奶)

行到勁攰~仍keep住臉帶笑容~

因為真係好開心~