今朝一早,我就好似平時咁懶洋洋等待屋企人叫我起床...

但係一個電話吵醒左我,

原來係媽媽把聲,

媽媽用好重鼻音甘話:"恩宜,仲未起床啊?"

我嗯左一句之後距就叫我攞電話俾Aunt聽...

但係果一刻我心好驚,好似有d咩事發生左甘....

之後聽見姑媽好激動咁大叫:"無陰公啊!嗚...嗚...."

之后就聽到一連串既喊聲...

心情更加驚....有不詳既預感.....

之后距地收左線之後,

aunt就話:"明仔死左!俾架客貨車撞死左哇!!嗚...嗚..."

心情底落,唔識去安慰aunt,uncle都靜左坐喺梳化度,

除左aunt既喊聲,就成間屋都靜晒....

我唔知我可以做乜,就咁照常甘返學,

有d迷茫....

生命黎得容易,同時都去得突然...

堂哥哥就咁死左...甘距剛讀一年級既仔仔點算?

距上有高堂下有妻房...

無左經濟支柱甘距地點算?

失去左爸爸,失去左個仔,失去左個老公...

又係咩感覺?

記得果次返到祖屋,我地成家人清理果棵樹,

堂哥哥仲幫忙砍樹,

仲話介紹份工俾大細佬做,

果一次既見面,果一次既對話原來係最後一次...

以後既日子都見距唔到喇!!!

以前細個見堂姐姐個爸爸死左,我無喊,

因為我仲細個,跟本就唔知失去親人既痛苦,

之后成日都鬧人但又徧徧唔會鬧我既大伯都撞車死左,

我都係無喊,因為,果時我認為年老既人就係死咖喇~

但今次唔同,堂哥哥好後生,而且對人又好....又愛家....

唉....

估唔到一次既意外...就甘奪走左距既生命...奪走左人地既仔...

奪走左人地個爸爸,奪走左人地個老公....憎死開果架客貨車果個人...

我越黎越擔心開車既爸爸....

雖然爸爸平時又懶,又成日鬧我,又唔肯做野,郁d就鬧人,成日同媽媽吵架....

仲成日都擺住一張嚴肅到快要嚇死人既臉孔..

但我知距仲係愛我地咖.....

經此一事...

我會更愛我既屋企人.....