久違左既感覺

對上一次打日記應該係響12月27號

姐係話呢一篇日記係08既第一篇... 

呢排考緊試

溫書溫到眼都盲

今日中文又死定

忙褢偷閒既feel唔錯

順道打番篇日記先

___________________________

重申一次

我打日記既原因並唔係為左分享

而係等我有一個發洩情緒既方法

同埋記錄生活

我冇諗過話要人地響我個blog可以深入了解我

亦唔打算勉強自己打d感受或者係感人既事

人地點打個blog係人地既事

我亦只管所有係我既野

呢個係我個blog

我唔會跟從任何人去更改我個blog

總之，我就是我

我鍾意打口語就口語

打書面語就書面語

一個月一篇都唔打唔關人事

悶到人地都唔關我事

我打日記係冇責任要人睇得開心

____________________________________

對日記已經冇當初咁熱衷...

或者已經厭倦左事無大小都打上去

又或者我已經成功戒左電腦....

居然有種失落

可能係冇左一個途徑去開心,relax下

可能係得到開心已經唔容易 

或者咁樣對我好D...

集中響學業應該係我呢個學生要做既野...

對前路感到渺茫

對學業唔太上心

究竟我想要d咩

究竟我想點

呢d我都答唔到

雖然知道自己只要溫書就會成績好d

對於一d因為冇事做先被迫溫書既野覺得厭倦

對於死記呢家野當然知道冇用

但又有乜計?

平時雖然冇野做

但都唔會悶到拎起本書細心了解下

得個講字有咩用?

有心但無力就乜都做唔到

雖然我討厭被迫

但咁樣都係一種可以推動我既方法

經常諗讀書為乜

為既始終係成績表

入到好既學校為乜?

咪又係想要成績表上有個鼎鼎大名既校名

其實響學校學到既野響現實根本用唔著

學黎做乜?

有d人可能會答

睇下自己邊方面好d或有興趣就響個方面發展

第時出黎做野

你唔會用到什麼唐太宗掛?

你計數幾時會用到方程式?

學校唔係為左教我地現實用到既野架咩?

番學校為乜都係睇你點諗

當然上面打果d都係臨時打出黎

並唔係我既意見......

夠鐘relax!煲劇!

刊登時間：2008-01-09 10:43 AM  [ 編輯日誌 ] [ 分享至FACEBOOK ]