 係呢刻仲係好開心傻更更既我地(大佬黑,Crysatl & me)
係下一刻就受到對付暴民既瘋狂對待
催淚彈催淚彈催淚彈催淚彈>>>>>>流眼水,流鼻水,幾乎流埋口水,衝呀衝呀,由會議衝到屈臣氏,
心都未定,第二波又再唻過,望去左上空,我地齊齊見到一陣煙霧飄湧而至,心諗一句shit!!
我地就拔足狂奔,簡直係明日之後...
詳情可以望下我大佬個日記...真係驚心動魄...
感覺係大戰之後,生死與共,yeah~~
● ● ● ● ● ● ● ● ●
跟住,隨住催淚彈,我既心亦淌淚
尋日六點幾開始,我一路都搵唔到小寧
好 擔心,一方面擔心佢有無意外,另一面亦擔心我地既感情有無意外
最後,我打電話比佢妹子,知道佢尋日早放之後無去婆婆度食飯,更無返屋企瞓
今日亦無返工,係人間蒸發?係見異思遷?我咩都唔知喇...
最後9點幾搵到佢,佢話同同學飲野喎尋晚,飲到唔開電話唔打電話唔返工...
我都無野好講,我最後問佢有無諗過周圍既人會擔心?
有無咩可以解釋佢咁既怪異行為,佢話解釋咩,咁,我只好收線,正確唻講,係cut線
我諗,我地之間既亦都cut cut地...
算啦,對唔住,可能係我太多心,但咁既行為,真係無法唔令我懷疑...
無論有幾痛,我諗都係時候let you go喇
最後我真係要多既大佬同crystal,陪左我成日,唔係我實變瘋仔...
多謝!多謝晒!!
|
我地又一次生死與共.....
