"暴民"衝擊警察防線,陰公,無啦啦硬食...
世貿會議尋日終於開幕喇...
 yo~胡椒噴霧
香港人心惶惶,個個自危
睇下尋日首日示威者既"激烈行動",就足以知道香港人係會有幾咁驚.
據警方數字,昨日警方一共出動左9,000名警員維持秩序...
9,000名警員,香港7.1大遊行個時唔知有無咁多警察呢...
四處封路,灣仔銅鑼灣一帶冷冷清清,百業蕭條,又有警員受傷,確實係勞民傷財呀!!
不過另一方面睇,其實呢次都係對香港人,對香港政府幾好既考驗唻既
經過今次,香港人既危險意識都應該會提高
從來呢種咁"暴民"既行為,我地香港人都只會係電視報紙上面見到
家陣咁近,過個海或者落街就睇到喇,真係大開眼戒
香港亦從此更出名,會唔會因此引發更多同類型事件
又或者香港成為一個恐怖襲擊對象都不得而知
而家可能都係預演咋...
仲有5日,世貿會議先至完成,究竟會發生咩事
我地都要x目以待
係呢個時候,都好恨自己係仲做緊記者呀...
幾好玩呀>>>
●●●●●●●●●●●●●●●●●●●●●●●●●●●●●●●●●●●●
反世貿人事既行動相當激進
有人可能對佢地既行為深表不滿
但諗深一層,佢地既做法雖然唔好,卻係無可奈何既
反世貿人事當中大部份係貧窮農民
佢地無高教育水平,無完善既表達渠道
想要表達自己意見,佢地未必寫得出字字鏗鏘,道事如流既文章去引起世界關注,感動人心,引起共嗚
想投訴現世既不平不公,就更加無門
佢地現時既做法,起碼引起左世界既關注
令部份人發現佢地既情況,令部份人同情佢地既遭遇
係你地面前死,總好過係自己鄉下餓死!!病死!!
起碼全世界人都知我因咩而死...
|
