唔知係咪人太攰就會發惡夢
繼前晚發完個惡夢,搞到鬼咁燥底之後
尋晚又發...
夢境真實得無可再真
夢裡面我彷彿感受到指尖既觸感,唇既熱暖,淚既咸度以及心既抽痛
日復一日,停留係沒有人再願意預留比我既位置中
留戀及執迷比單單既被拋棄更難忍受
清醒時既我完全明白亦似乎完全擺脫
但睡夢中的我又一次一次地流露出不捨
猶如精神分裂
嘗試過第一次 "3吋漿"喪爬100漿x N次之後
真係手瓜立刻粗大~乳酸多到賣唔晒
今晚仲要喪爆"黑色體能星期三"
都唔能夠想像今晚會發個幾惡既惡夢
而赤赤痛既雞肉要赤多幾多日...
只係輕輕用個腦去諗下咋,都攰到痴肺><
p.s. 印尼又海嘯,死左三百幾人,其實我地生活係香港,都真係好幸福. 無內亂,無打仗,無恐怖分子,無地震,無龍捲風,無飢荒...只係有空氣污染,海水污染,貧富懸殊,社會分化,為利是圖,勾心鬥角,自怨自艾...
仲有,政府開徵商品及服務稅...真係令人想講粗口!小學都有讀過啦,香港最吸引既係購物天堂,低稅卒,自由港,政府急錢洗急到癲左!!
|
