白痴聯盟唯一既會員芳芳今日走左lu
講實在,真係有d依依不捨呀~
嘔...
係芳芳去搭船返澳門之前,我地一齊搭渡海小輪,哈...
送左芳芳去搭五點半船之後
無聊既我行左去皇后碼頭度坐
無聊既我吹一支無聊既煙
吹完,我掉左佢落地踩住
就係我腳起煙落既同時
可怕既事情就發生喇
無啦啦有人篤我背脊
係我另轉面睇下係邊個篤我背脊既瞬間
我個背脊亦都冒出左冷汗
...
一個食環處既職員企左係度
呀呀呀呀!!!!!
我個刻淨係諗到...千五蚊,唔好走呀...
"先生!(係同我講先生囉)你頭先掉左支煙頭落地喎"
死撐既我"我都未走,我等間會執返架嘛!"
"唔得喎,攞張身份證出唻呀唔該!"
繼續死撐既我"我踩熄支煙頭嘛,唔通係張登度卒熄佢咩!"
好好好好在,咁都比我過到骨...
"咁,好啦!"
好在個職員睇落都係林林善善
而個刻我又爆眼瞓,咩都亂up
同時無足夠既RAM表現出我既慄
唔係就大檸樂喇...
感謝...
p.s.今日係尖沙咀行街個陣撞到好多人
突然發覺香港好細,就連中學阿sir林裕麟都撞到
強!佢仲依然係咁後生,依然係咁瘦
|
